MNP - အောက်တိုဘာ ၁၅
ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမတွင် မူလတန်းအဆင့် စာဖတ်စွမ်းရည်ပြိုင်ပွဲနှင့် စက္ကူခေါက်ပြိုင်ပွဲကို ယမန်နေ့မွန်းလွဲ ၁နာရီက ကျင်းပခဲ့ကြောင်း သိရသည်။
အဆိုပါပြိုင်ပွဲကျင်းပရာတွင် ဖားကန့်မြို့နယ် အခြေခံပညာစာသင်ကျောင်းများမှ မူလတန်းအဆင့် ကျောင်းသား/သူ (၂၀)ဦးခန့် ပါဝင်ယှဉ်ပြိုင် ခဲ့ကြရာ ပြိုင်ပွဲတွင် ဆုရရှိသူများအား ပထမဆု၊ ဒုတိယဆု၊ တတိယဆုနှင့် နှစ်သိမ့်ဆုများကို မြို့နယ်ဦးစီးအရာရှိ ဦးမြတ်ကိုကိုဦးနှင့် ဒုတိယဦးစီး မှူး ဒေါ်ဝင်းမာချိုတို့မှ ဆုများအသီးသီးချီးမြှင့်ပေးခဲ့သည်။
ဖားကန့်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနအနေဖြင့် ကျောင်းသားလူငယ်များ အသိပညာတိုးပွားစေရေးအတွက် စာဖတ်ဝိုင်း၊ ဆေးရောက်စုံပြိုင်ပွဲ၊ စာစီစာကုံးပြိုင်ပွဲ၊ ဉာဏ်စမ်းပဟေဠိပြိုင်ပွဲ၊ စာဖတ်စွမ်းရည်ပြိုင်ပွဲနှင့် စာအုပ်စာစောင်ပြပွဲများကို လစဉ်ကျင်းပလျက်ရှိ ကြောင်း သိရသည်။
သတင်း - မိုးသန္တာဦး
မြန်မာနေရှင်နယ်ပို့စ်
No comments:
Post a Comment