MNP ၊ အောက်တိုဘာ ၂၉
ရခိုင်ပြည်နယ် ၊ မောင်တောမြို့နယ် လသာရပ်ကွက်နေထိုင်သူထံမှ အောက်တိုဘာ ၂၉ ရက်နေ့ နံနက် (၁၁:၃၀) မိနစ် အချိန် စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်းသိရသည်။
ဖြစ်စဉ်မှာ အမှတ်(၄၆)မူးယစ်ရဲတပ်ဖွဲ့စု(မောင်တော) နှင့် လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် သတင်း အရ မောင်တောမြို့ ၊ လသာရပ်ကွက် ၊ လသာအောက်လမ်း အတိုင်းမြောက် မှ တောင်ဘက်သို့ လမ်းလျှောက်လာသူ အဒူ ရာမန်(ကျား)အား မသင်္ကာသဖြင့် စစ်ဆေးရာ ၎င်း၏ ဝဲဘက်လက်အတွင်းမှ အကြည်ရောင် ကြွပ်ကြွပ်အိတ် အပိုင်း အစဖြင့် ထုပ်ထားသည့် အပြာရောင်ကပ်ခွာအိတ်တစ်အိတ်အတွင်း စိတ်ကြွရူးသွပ်ဆေးပြား WY/R စာတမ်းပါ လိမ္မော် ရောင် စိတ်ကြွရူး သွပ် ဆေးပြား (၂၀၀)ပြား ၊ (၁)ထုပ် နှင့် (၅၀)ပြားပါ(၁)ထုပ် ဆေးပြားပေါင်း (၂၅၀)ပြား ၊ အလေး ချိန်(၂၂.၅)ဂရမ်ခန့်အား တွေ့ရှိသိမ်းဆည်းပြီး ၎င်းနေအိမ်အားဝင်ရောက်ရှာဖွေရာ နေအိမ်နောက်ဘက် မီးဖိုချောင် ခန်း ဝါးတိုင်အောက်ခြေတွင် မြေကြီးဖြင့် ဖုံးအုပ်ထားသော အပြာရောင်ကပ်ခွာအိတ်တစ်အိတ်အတွင်း စိတ်ကြွရူး သွပ် ဆေးပြား WY/R စာတမ်းပါ လိမ္မော်ရောင် စိတ်ကြွရူး သွပ် ဆေးပြား (၇၀)ပြား ၊ (၁)ထုပ် ၊ အလေးချိန်(၆.၃)ဂရမ်ခန့်အား တွေ့ရှိသိမ်းဆည်းခဲ့ကြသည်။
အဆိုပါ မူးယစ်ဆေး ဝါး များ နှင့်အတူ အဒူ ရာမန်(ကျား) အသက်(၂၅)နှစ် (ဘ)အီမာန်ဟူဆိန်း လသာအောက်ရွာ ၊လသာရပ်ကွက် ၊ မောင်တောမြို့နေသူနှင့် ဆက်စပ်တရားခံ အသက်(၃၀)နှစ်အရွယ် လသာ အထက်ရွာနေသူ(မဖမ်းမိ) ၎င်းတို့နှစ်ဦးအား မောင်တောမြို့မရဲစခန်းတွင် မယ(ပ) ၃၇/ ၂၀၂၂ ၊ မူး/စိတ်ပုဒ်မ ၁၉ (က)/၂၁ နှင့် မယ(ပ) ၃၈/ ၂၀၂၂ ၊ မူး/စိတ်ပုဒ်မ ၁၉ (က)/၂၁ အရ အမှု(၂)ခုခွဲဖွင့်လှစ်ကာ အရေး ယူနိုင်ရေး စီစဉ် လျက်ရှိပြီး ဆက်စပ်တရားခံ အား အမြန် ဆုံး ဖမ်းဆီးနိုင်ရေး ဆောင်ရွက်လျက်ရှိကြောင်းသိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment