MNP - အောက်တိုဘာ ၃၁
၂၀၂၂ခုနှစ် နိုဝင်ဘာ၇ရက်နေ့တွင် ကျရောက်မည့် အထွေထွေအုပ်ချုပ်ရေးဦးစီးဌာန နှစ်ပတ်လည်နေ့ကို ကြိုဆိုဂုဏ်ပြုသောအားဖြင့် စစ်ကိုင်းတိုင်းဒေသကြီး ရွှေဘိုခရိုင်နှင့်ရွှေဘိုမြို့နယ် အထွေထွေအုပ်ချုပ်ရေးဦးစီးဌာန ဝန်ထမ်းများ စုပေါင်းသွေးလှူဒါန်းပွဲကို ယနေ့မွန်းလွဲ ၂နာရီချိန်က ရွှေဘိုခရိုင် ပြည်သူ့ဆေးရုံတွင် ကျင်းပပြုလုပ်ခဲ့ကြောင်း သိရသည်။
ရှေးဦးစွာ သွေးလှူဒါန်းကြမည့် ဝန်ထမ်းများအား ခရိုင်ပြည်သူ့ဆေးရုံအုပ်ကြီး ဒေါက်တာစောသက်လျာအောင်နှင့် ရောဂါဗေဒဆရာဝန်ကြီး ဒေါက်တာကြွယ်ပြည့်ဝေနှင့် ကျန်းမာရေးဝန်ထမ်းများက ကိုယ်အလေးချိန်တိုင်းတာခြင်း၊ သွေးပေါင်ချိန်တိုင်းတာခြင်း၊သွေးအမျိုးအစား ခွဲခြားခြင်းနှင့် သွေးလှူဒါန်းရန်လိုအပ်သည့် ကျန်းမာရေးစစ်ဆေးခြင်းများ ပြုလုပ်ပေးခဲ့ကြောင်း သိရပြီး သွေးလှူရှင်များအား ဂုဏ်ပြုမှတ်တမ်းလွှာများ ပေးအပ်ခဲ့ကြောင်း သိရသည်။
အဆိုပါ စုပေါင်းသွေးလှူဒါန်းနေမှုကို ခရိုင်စီမံခန့်ခွဲမှုကော်မတီဥက္ကဋ္ဌ ဦးမျိုးဦး၊ မြို့နယ်စီမံခန့်ခွဲမှုကော်မတီဥက္ကဋ္ဌ ဦးဇော်မျိူးဝင်းတို့က ကြည့်ရှု့အားပေးခဲ့ပြီးသွေးလှူဒါန်းကြသည့် ဝန်ထမ်းများကို၊ ခရိုင်/မြို့နယ် အမျိုးသမီးစည်းကမ်းထိန်းသိမ်းရေးကော်မတီဥက္ကဋ္ဌတို့မှ ကြက်ဥ၊ အချိုရည်နှင့် အဟာရဖြည့် စားသောက်ဖွယ်ရာများကို ထောက်ပံ့ပေးအပ်ခဲ့ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment