MNP - အောက်တိုဘာ ၇
ရှမ်းပြည်နယ်(အရှေ့ပိုင်း)၊ ကျိုင်းတုံမြို့၊ အမှတ်(၃)ရပ်ကွက်၊ တိုင်းလိယဉ်ကျေးမှုခန်းမတွင် နှစ်စဉ်ရဟန်းသံဃာတော်များနှင့် မင်္ဂလသုတ်ရွတ်ဆိုပူဇော်ပွဲကို အောက်တိုဘာ ၆ ရက် နံနက် ၉ နာရီက အဆိုပါခန်းမ၌ ကျင်းပသည်။
ပူဇော်ပွဲတွင် ရဟန်းသံဃာတော်များက မင်္ဂလသုတ်ရွတ်ဖတ်ပူဇော်ပြီး တိုင်းလိစာပေနှင့်ယဉ်ကျေးမှုကော်မတီ နာယက ဦးစိုင်းရွက်၊ ဒေသခံတိုင်းရင်းသားများနှင့် ဧည့်ပရိတ်သတ်များက လှူဖွယ်ပစ္စည်းများ ဆက်ကပ်လှူဒါန်းကြသည်။
အဆိုပါတိုင်းလိခန်းမတွင် မျိုးဆက်သစ်လူငယ်များ လေ့လာနိုင်ရန် ရှမ်းပြည်နယ်ဖွားစော်ဘွားကြီးများ၊ အထင်ကရပုဂ္ဂိုလ်များအကြောင်းကို အခမဲ့ ပြသ ဆောင်ရွက်ထားကြောင်း သိရသည်။
သတင်း - အောင်ဇင်မြင့်
မြန်မာနေရှင်နယ်ပို့စ်
No comments:
Post a Comment