MNP - အောက်တိုဘာ ၉
၁၃၈၄ ခုနှစ်၊ သီတင်းကျွတ်လပြည့်နေ့၊ အောက်တိုဘာ ၉ ရက်နေ့တွင် ပဲခူးခရိုင်၊ ဝေါမြို့နယ်ရှိ ဘုရား၊ စေတီ၊ ပုထိုးများ၌ အများပြည်သူများ စိတ်အေးချမ်းသာစွာ ဖူးမြော်ကြည်ညိုလျက်ရှိပြီး၊ အပန်းဖြေနေရာများ၌လည်း ပြည်သူများဖြင့် စည်ကားလျက်ရှိကြောင်း သိရသည်။
ထိုသို့ ဖူးမြော်ကြည်ညိုလျက်ရှိရာ ဝေါမြို့၊ သမိုင်းဝင်ဆုတောင်းပြည့် ကြုံတူစေတီတော်မြတ်ကြီး အပါအဝင် မြို့နယ်အတွင်းရှိ ဘုရား၊ စေတီပုထိုးများ၌ သံဃာတော်များ၊ သာသနာ့နွယ်ဝင် သီလရှင်များ၊ မိဘပြည်သူများက ဝါကျွတ်ကာလအခါသမယအဖြစ် ဆီမီးများပူဇော်ခြင်းနှင့် ဖူးမြော်ကြည်ညိုခြင်းများကို ကိုဗစ်-၁၉ စည်းမျဉ်း၊ စည်းကမ်းများနှင့်အညီဖူးမြော် ကြည်ညိုကုသိုလ်ယူကြသည်။
အလားတူ မြို့နယ်အတွင်းရှိ လမ်းများပေါ်တွင်လည်း ဘုရားဖူးပြည်သူများ၊ အပန်းဖြေခရီးသွား ရောက်သူများဖြင့် စည်ကားလျက်ရှိပြီး၊ အလိုတော်ပြည့် မင်္ဂလာကန်နှင့် ပန်းခြံများ၊ အပန်းဖြေဥယျာဉ်များ၌လည်း အပန်းဖြေ အနားယူကြသူများဖြင့် စည်ကားများပြားလျက်ရှိကြောင်း သိရသည်။
သတင်း - စိုးမိုး
မြန်မာနေရှင်နယ်ပို့စ်
No comments:
Post a Comment