MNP - အောက်တိုဘာ ၂၇
ရန်ကုန်တိုင်းဒေသကြီး၊ လှည်းကူးခရိုင်၊ လှည်းကူးမြို့နယ်တွင် အသက်(၉)လမှ(၅)နှစ်အထိ ကလေးများငယ်များအား ဂျပန်ဦးနှောက်ရောင်ရောဂါကာကွယ်ဆေးထိုးနှံပေးခြင်းနှင့် အသက်(၄)လမှ(၂)နှစ်အထိကလေးငယ်များအား ဝမ်းပျက်ဝမ်းလျောရောဂါကာကွယ်ဆေးများထိုးနှံပေးခြင်းကို မြို့နယ်ပြည်သူ့ကျန်းမာရေးဦးစီးဌာနဝန်ထမ်းများက ဆောင်ရွက်လျက်ရှိရာ ယမန်နေ့နံနက်(၉)နာရီက လှည်းကူးမြို့၊ သာသနာ့ရိပ်သာရပ်ကွက်အုပ်ချုပ်ရေးမှူးရုံးတွင် ထိုးနှံပေးလျက်ရှိသည်။
အဆိုပါကာကွယ်ဆေးထိုးနှံရာတွင် ဂျပန်ဦးနှောက်ရောင် ဗိုင်းရပ်စ်ကိုသယ်ဆောင်လာသည့် ခြင်ကိုက်ခံရပါက ဂျပန်ဦးနှောက်ရောင်ရောဂါကူးစက်မှုဖြစ်ပွားစေသည့်အတွက် ရပ်ကွက်အတွင်းရှိကလေးများအား အဆိုပါကာကွယ်ဆေးများထိုးနှံပေးလျက်ရှိပြီး ကာကွယ်ဆေးမထိုးနှံရသေးသည့်ကလေးများကိုလည်း ဆက်လက်ထိုးနှံပေးသွားမည်ဖြစ်ပြီး ကာကွယ်ဆေးထိုးနှံခြင်းလုပ်ငန်းများကို သက်ဆိုင်ရာစုရပ်များတွင် ကျန်းမာရေးဦးစီးဌာနမှဝန်ထမ်းများ၊ သက်ဆိုင်ရာတာဝန်ရှိသူများ၊ ကြက်ခြေနီတပ်ဖွဲ့ဝင်များ၊ ရပ်ကွက်/ကျေးရွာအုပ်ချုပ်ရေးမှူးနှင့်အဖွဲ့ဝင်များက ပူးပေါင်းဆောင်ရွက်လျက်ရှိကြောင်း သိရှိရသည်။
သတင်း - အေးအေးနွဲ့
မြန်မာနေရှင်နယ်ပို့စ်
No comments:
Post a Comment