MNP - အောက်တိုဘာ ၁၅
မကွေးတိုင်းဒေသကြီး သရက်ခရိုင် မင်းတုန်းမြို့ အခြေခံပညာအထက်တန်းကျောင်း၌ မြို့နယ် ကြက်ခြေနီ ကြီးကြပ်မှုကော်မတီနှင့် မင်းတုန်းမြို့နယ်ပညာရေးဌာနတို့ ပူးပေါင်းဖွင့်လှစ်သော ရှေးဦးပြုစုခြင်း(အခြေခံ)သင်တန်း အမှတ်စဉ်(၁/၂၀၂၂) သင်တန်းဖွင့်ပွဲအခမ်းအနားကို ယမန်နေ့ မွန်းလွဲ ၂ နာရီက ကျင်းပပြုလုပ်ခဲ့ရာ ဒုတိယမြို့နယ်အုပ်ချုပ်ရေးမှူး၊ ဒုမြို့နယ် ပညာရေးမှူးနှင့် ဆရာ/ဆရာမများ၊ အခြေခံပညာအထက်တန်းကျောင်းမှ သင်တန်းသားကျောင်းသားကျောင်းသူများ တက်ရောက်ခဲ့ကြသည်။
အဆိုပါသင်တန်းဖွင့်ပွဲအခမ်းအနားတွင် ဒုတိယမြို့နယ်အုပ်ချုပ်ရေးမှူးက အမှာစကားပြေ ကြားပြီး မြို့နယ်ကြက်ခြေနီတပ်ဖွဲ့ ဒေါ်စောနန်းနွယ်မှ ရှေးဦးပြုစုခြင်း (အခြေခံ) သင်တန်းဆိုင်ရာအကြောင်းအရာများနှင့်စပ်လျဉ်း၍ ရှင်းလင်းပြောကြားခဲ့ပြီး ရှေးဦးပြုစုခြင်း(အခြေခံ) သင်တန်းသို့ မင်းတုန်းမြို့ အခြေခံပညာအထက်တန်းကျောင်းမှ ကျောင်းသားကျောင်းသူ (၃၃)ဦး တက်ရောက်ကြကြောင်း သိရသည်။
မြန်မာနေရှင်နယ်ပို့စ်
No comments:
Post a Comment