MNP - အောက်တိုဘာ ၂၉
ရခိုင်ပြည်နယ်၊ မြောက်ဦးခရိုင်၊ မင်းပြားမြို့နယ် အခြေခံပညာကျောင်းများ၌ ၂၀၁၉၊ ၂၀၂၀ နှင့် ၂၀၂၁၊၂၀၂၂ခု ပညာသင်နှစ်တွင် တက္ကသိုလ်ဝင်စာမေးပွဲကို ထူးချွန်စွာ အောင်မြင်သူများအား မြို့နယ်ပညာရေးဖောင်ဒေးရှင်း၏ မင်းပြားမြို့ ပညာရည်ချွန်ဆုချီးမြှင့်ပွဲ အခမ်းအနားကို ယမန်နေ့ မွန်းလွဲ ၁ နာရီအချိန်က လောကမုနိပြည်လုံးချမ်းသာဓမ္မာရုံတွင် ကျင်းပပြုလုပ်သည်။
အခမ်းအနားတွင် မင်းပြားမြို့နယ် ပညာရေးဖောင်ဒေးရှင်း နာယကဆရာတော်ကြီးများမှ အဖွင့်အမှာစကား မိန့်ကြားကြသည်။ ဆက်လက်ပြီး မင်းပြားမြို့နယ် ပညာရေးဖောင်ဒေးရှင်း ဥက္ကဋ္ဌ ဦးထွန်းအောင်ကျော်က ရှင်းလင်းပြောကြားရာတွင် ၂၀၁၉-၂၀၂၀နှင့်၂၀၂၁-၂၀၂၂ခု ပညာသင်နှစ် တွင် ဂုဏ်ထူးရကျောင်းသား၊ ကျောင်းသူများကို အတုယူ၍ နောင်လာမည့် ကျောင်းသား/သူများအား ဉာဏ်ရည်ဉာဏ်သွေး ကောင်းမွန်သော သားကောင်းရတနာများ ဖြစ်ထွန်းလာစေရန် ရည်ရွယ်၍ ရှင်းလင်းပြောကြားသည်။ ဆက်လက် ၍ ၂၀၁၉-၂၀၂၀နှင့်၂၀၂၁-၂၀၂၂ခုပညာသင်နှစ် ဂုဏ်ထူးရ ကျောင်းသား/ကျောင်းသူ တစ်ဘာသာ(၆၅)ဦး၊ နစ်ဘာသာ(၅၉)ဦး၊ သုံးဘာသာ(၃၅)ဦး၊ လေးဘာသာ(၁၈)ဦး၊ ငါးဘာသာ (၆)ဦး၊ ခြောက်ဘာသာ(၂)ဦး၊ စုစုပေါင်း(၁၈၅)ဦးအား တာဝန်ရှိသူများက ဆုများ အသီးသီးချီးမြှင့်ကြကြောင်း သိရသည်။
သတင်း - သိန်းနုအောင်
မြန်မာနေရှင်နယ်ပို့စ်
No comments:
Post a Comment