MNP - အောက်တိုဘာ ၁၉
ကော့သောင်းမြို့နယ်၊ အခြေခံပညာကျောင်းပေါင်းစုံအမျိုးသား/အမျိုးသမီး ကြက်တောင်ရိုက်ပြိုင်ပွဲ ဗိုလ်လုပွဲနှင့်ဆုချီးမြှင့်ပွဲအခမ်းအနားကို ယမန်နေ့မွန်းလွဲပိုင်းက ကော့သောင်းမြို့၊ ရန်ကြီးအောင်အားကစားကွင်း၊ ကြက်တောင်အားကစားရုံတွင် ကျင်းပပြုလုပ်သည်။
ရှေ့ဦးစွာ အခြေခံပညာကျောင်းပေါင်းစုံအမျိုးသားတစ်ဦးချင်းနှင့်အသင်းလိုက် ကြက်တောင်ဗိုလ်လုပွဲနှင့်အမျိုးသမီးတစ်ဦးချင်းနှင့်အသင်းလိုက်ကြက်တောင်ဗိုလ်လုပွဲစဉ်များကိုယှဉ်ပြိုင်ခဲ့ကြရာ အမျိုးသားအသင်းလိုက်ပြိုင်ပွဲတွင် အထကခွဲ၊ အလက(၁)အဏ္ဏဝါကျောင်းအသင်းက လည်းကောင်း၊ အမျိုးသမီးအသင်းလိုက်ပြိုင်ပွဲတွင် အထကခွဲ၊ အလက(၂) ရွှေမင်းဝံကျောင်းအသင်းတို့က အသီးသီး အနိုင်ရဗိုလ်ဆွဲခဲ့ကြသည်။
ယင်းနောက်ဆုချီးမြှင့်ပွဲအားဆက်လက်ကျင်းပရာ ကော့သောင်းမြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူးဦးအောင်ချို၊ မြို့နယ်ပညာရေးဌာန၊မြို့နယ်အားကစားနှင့် ကာယပညာဦးစီးဌာနတို့မှတာဝန်ရှိသူများက အမျိုးသား/အမျိုးသမီးအသင်းလိုက် ပထမ၊ ဒုတိယနှင့် တတိယရရှိသည့်အသင်းများ၊ အမျိုးသား/အမျိုးသမီးတစ်ဦးချင်းပြိုင်ပွဲများတွင် ပထမ၊ ဒုတိယနှင့် တတိယရရှိသူများကို ဆုဖလား၊ လည်ဆွဲဆုနှင့်ငွေသားဆုများ အသီးသီးပေးအပ်ချီးမြှင့်ခဲ့ကြောင်းသိရသည်။
သတင်း - ကျော်စိုး
မြန်မာနေရှင်နယ်ပို့စ်
No comments:
Post a Comment