MNP - အောက်တိုဘာ ၁၇
မကွေးတိုင်းဒေသကြီး မင်းဘူးခရိုင် ငဖဲမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနရုံးမှ ဒေသခံပြည်သူများနှင့် ကျောင်းသား/ သူများ လူမှုစီးပွားဘဝဖွံ့ဖြိုးတိုးတက်ရေးအတွက် နိုင်ငံသားစိစစ်ရေးကတ်ပြား မရရှိသေးသူများနှင့် အိမ်ထောင်စုလူဦးရေစာရင်းပြု လုပ်လိုသူများကို ပန်းခင်းစီမံချက်အဆင့်-၂ဖြင့် ရပ်ကွက်/ ကျေးရွာများအရောက် အခမဲ့ကွင်းဆင်းဆောင်ရွက်ပေးလျက်ရှိရာ ယမန်နေ့နံနက်ပိုင်းက မြို့မရပ်ကွက်ဓါတ်တော်ဓမ္မာရုံတွင် ပြည်သူများအား နိုင်ငံသားစိစစ်ရေးကတ် ပြားများကွင်းဆင်းပြုလုပ် ဆောင်ရွက်ပေးခဲ့ကြောင်း သိရသည်။
ထိုသို့ဆောင်ရွက်ပေးရာတွင် ငဖဲမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနရုံးမှ မြို့နယ်ဒု-လဝကမှူး ဦးမျိုးမင်းကျော်က ပန်းခင်းစီမံချက်အဆင့်-၂ ဖြင့် အိမ်ထောင်စုလူဦးရေစာရင်းနှင့် နိုင်ငံသားစိစစ်ရေးကတ်ပြားများ အခမဲ့ပြုလုပ်ဆောင်ရွက်ပေးရခြင်း၏ ရည်ရွယ်ချက်များကို ရှင်းလင်းပြောကြားပြီး မြို့နယ်ဒု-လဝကမှူး ဦးမျိုးမင်းကျော်နှင့် ဝန်ထမ်းများက နိုင်ငံသားစိစစ်ရေးကတ်ပြား မပြုလုပ်ရသေးသော နိုင် ၃(က) ပြုလုပ်သူ(၂)ဦး၊ လဲလှယ်သူ(၂)ဦး၊ မိတ္တူပြုလုပ်သူ (၁၈)ဦး စုစုပေါင်း ပြည်သူ (၂၂)ဦးတို့ကို အထောက်အထားများစိစစ်ကာပြုလုပ်ဆောင်ရွက်ပေးခဲ့ကြောင်း သိရသည်။
သတင်း - မယု
မြန်မာနေရှင်နယ်ပို့စ်
No comments:
Post a Comment