MNP - အောက်တိုဘာ ၃၁
“ပညာရေးဖြင့် ခေတ်မီဖွံ့ဖြိုးတိုးတက်သော နိုင်ငံတော်ကြီး တည်ဆောက်အံ့” ဆိုသည့် စကားအတိုင်း နိုင်ငံတော်ဘက်စုံဖွံ့ဖြိုးတိုးတက်ရေးတွင် ပညာရေး၏ အခန်းကဏ္ဍသည် များစွာအရေးပါသဖြင့် ပညာရေးကဏ္ဍ ဖွံ့ဖြိုးတိုးတက်စေရန်နှင့် ပညာရေးဌာနမှ ဝန်ထမ်းများ၏ အရည်အသွေးများ တိုးတက်မြင့်မား လာစေရေးအတွက် ယမန်နေ့ နံနက်ပိုင်းအချိန်က ရန်ကုန်တိုင်းဒေသကြီး၊ သင်္ဃန်းကျွန်းခရိုင်၊ တာမွေမြို့နယ် ပညာရေးမှူးရုံး၏ စီစဉ်မှုဖြင့် မြို့နယ်အတွင်းရှိ အခြေခံပညာကျောင်းများမှ ကျောင်းအုပ်ကြီးများ စီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲကို တာမွေမြို့နယ်ရှိ မြို့နယ်ပညာရေးမှူးရုံးခန်းမ ၌ ကျန်းမာရေးဝန်ကြီးဌာနမှ ထုတ်ပြန်ထားသည့် ကိုဗစ်-၁၉ ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ ဖွင့်လှစ်ပို့ချပေးလျက်ရှိကြောင်း သိရသည်။
အဆိုပါ တာမွေမြို့နယ်အတွင်းရှိ ကျောင်းအုပ်ကြီးများ စီမံခန့်ခွဲမှုစွမ်းဆောင်ရည် မြင့်မားရေးအလုပ်ရုံဆွေးနွေးပွဲတွင် ပညာရေးဆိုင်ရာ၊ စီမံခန့်ခွဲမှုဆိုင်ရာ၊ ဘဏ္ဍာရေးဆိုင်ရာ လုပ်ငန်းများနှင့် ပတ်သက်၍ မြို့နယ်အတွင်းရှိ အခြေခံပညာအထက်တန်း၊ အလယ်တန်း၊ မူလတန်းကျောင်းများမှ ကျောင်းအုပ်ဆရာကြီး/ ဆရာမကြီး (၃၉) ဦးတို့အား ၂၀၂၂-ခုနှစ် အောက်တိုဘာ (၂၉) ရက်နေ့နှင့် အောက်တိုဘာ (၃၀) ရက်နေ့များတွင် နံနက် (၉) နာရီမှ ညနေ (၄) နာရီအထိ အသေးစိတ် ရှင်းလင်းဆွေးနွေးပို့ချပေးလျက်ရှိပြီး မြို့နယ်အတွင်းရှိ အခြေခံပညာကျောင်းများ၏ သင်ကြားသင်ယူမှု အရည်အသွေးများ တိုးတက်မြင့်မား လာစေရန်၊ ကျောင်းအုပ်ကြီးများ စွမ်းဆောင်ရည် ပိုမိုမြင့်မားလာစေရန်၊ ခေါင်းဆောင်မှုတာဝန်ယူထားရသော ကျောင်းအုပ်ကြီးများအနေဖြင့် ယုံကြည်ချက်၊ ခံယူချက် မှန်ကန်စွာဖြင့် ပညာရေးဆိုင်ရာ၊ စီမံခန့်ခွဲမှုဆိုင်ရာနှင့် ဘဏ္ဍာရေးဆိုင်ရာ လုပ်ငန်းများသာမက တာဝန်နှင့် စည်းကမ်းများကိုလည်း စနစ်တကျ စီမံခန့်ခွဲတတ်စေရန်အတွက် ရည်ရွယ်ပြီး အဆိုပါ ကျောင်းအုပ်ကြီးများ စီမံခန့်ခွဲမှုစွမ်းဆောင်ရည် မြင့်မားရေးအလုပ်ရုံဆွေးနွေးပွဲ စီစဉ်ပြုလုပ်ခြင်း ဖြစ်ကြောင်း သတင်းရသည်။
သတင်း - နိုင်လင်းအောင်
မြန်မာနေရှင်နယ်ပို့စ်
No comments:
Post a Comment