MNP ၊ အောက်တိုဘာ ၁
မန္တလေးတိုင်းဒေသကြီး၊ စဉ့်ကူးမြို့နယ်၊ မြစိမ်းကျေးရွာအုပ်စု၊ မြစိမ်းကျေးရွာတွင် ယမန်နေ့ ညနေ (၇)နာရီခွဲ အချိန်ခန့်က မိုးကြိုးထိမှန်၍ လူနှစ်ဦး သေဆုံးခဲ့သည်။
ဖြစ်စဉ်မှာ မြစိမ်းကျေးရွာတောင်ဘက် ကိုက်(၄၀၀)ခန့်အကွာတွင်ရှိသော အင်းပိုင် ဦးဝင်းဇော် ၏ မြစ်လောင်းမြစ်ကျိုးကြေးတိုင်အင်းအတွင်း အင်းလုပ်ငန်းဆောင်ရွက်နေကြစဉ် မိုးထစ်ချုန်းရွာသွန်းပြီး အမျိုးသား(၃)ဦး မိုးကြိုးထိမှန်ခဲ့ရာ အဆိုပါ(၃)ဦးအနက် ဦးမောင်မြင့်နှင့် ဦးထွန်းနိုင်ဦး တို့ နှစ်ဦးမှာ ဆေးရုံသို့ပို့ဆောင်စဉ် သေဆုံးသွားပြီး အင်းပိုင် ဦးဝင်းဇော် မှာ ထုံးကြီးတိုက်နယ်ဆေးရုံတွင် ဆေးကုသမှုခံယူလျက်ရှိကြောင်း မြို့နယ်အထွေထွေအုပ်ချုပ်ရေးဦးစီးဌာနမှ သိရသည်။
တင်ဇာလွင်
https://t.me/MyanmarNationalPost
No comments:
Post a Comment