MNP - အောက်တိုဘာ ၁၂
ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကျီးသဲကျေးရွာအုပ်စုတွင် အောက်တိုဘာ ၁၀ ရက်နေ့က မိုးသည်းထန်စွာရွာသွန်းပြီး ရုတ်တရက်လေပြင်းတိုက်ခတ်မှုကြောင့် လူနေအိမ်(၉)လုံးတစ်စိတ်တစ်ပိုင်းပျက်စီးဆုံးရှုံးမှုအား ထောက်ပံ့ငွေပေးအပ်ခြင်းကို ယမန်နေ့နေ့လယ်ပိုင်းက ထောက်ပံ့ပေးအပ်ခဲ့ကြောင်း သိရသည်။
မိုးသည်းထန်စွာရွာသွန်းပြီး ရုတ်တရက်လေပြင်းတိုက်ခတ်မှုကြောင့်လူနေအိမ်(၉)လုံးရှိ လူဦးရေ (၃၉)ဦးအတွက် ဆန်ရိက္ခာဖိုး(၂၁၀၀)နှုန်းဖြင့် (၈၁၉၀၀)ကျပ်၊ အမိုးလန်အိမ် (၈)လုံးအတွက် (၅၀၀၀၀)နှုန်းဖြင့် (၄၀၀၀၀၀)ကျပ်၊ လူနေအိမ်(၁)လုံးအတွက် (၃၀၀၀၀)ကျပ် စုစုပေါင်း(၅၁၁၉၀၀)ကျပ်ကို ဘေးအန္တရာယ်ဆိုင်ရာစီမံခန့်ခွဲရေးဦးစီးဌာနမှ ဒုတိယညွှန်ကြားရေးမှူး ဒေါ်တင်တင်ချိုနှင့် တာဝန်ရှိသူများက ထောက်ပံ့ပေးအပ်ခဲ့ကြောင်း သိရသည်။
သတင်း - ကိုကိုမင်း
မြန်မာနေရှင်နယ်ပို့စ်
No comments:
Post a Comment