MNP - အောက်တိုဘာ ၂၉
ပဲခူးတိုင်းဒေသကြီး၊ ပဲခူးခရိုင်၊ ဝေါမြိုနယ်တွင် အခြေခံပညာဦးစီးဌာန၏ ကြီးကြပ်မှုဖြင့် အထက်တန်း၊ အလယ်တန်း၊ မူလတန်းကျောင်းများမှ ကျောင်းအုပ်ကြီးများအား စီမံခန့်ခွဲမှု စွမ်းဆောင်ရည်မြင့်မားရေး မြို့နယ်အဆင့် (ဆင့်ပွား) အလုပ်ရုံဆွေးနွေးပွဲကို ယမန်နေ့နံနက် ၉ နာရီက ဝေါမြို့ အခြေခံပညာ အထက်တန်းကျောင်း သီရိဇေယျာခန်းမ၌ ကျင်းပခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးသီဟထွန်းက အဖွင့်အမှာ စကားပြောကြားပြီးနောက် တိုင်းဒေသကြီး ပညာရေးမှူးရုံးမှ လက်ထောက်ညွန်ကြားရေးမှူး(ပညာ) ဒေါ်နှင်းဆီက ကျောင်းအုပ်ကြီးများ စီမံခန့်ခွဲမှု စွမ်းဆောင်ရည်မြင့်မားရေး၊ အလုပ်ရုံဆွေးနွေးပွဲပြုလုပ်ရခြင်း၏ ရည်ရွယ်ချက်ကို ရှင်းလင်းပြောကြားသည်။ ထို့နောက် မြို့နယ်စီမံအုပ်ချုပ်ရေးအဖွဲ့ဝင် ဦးကြည်ဝင်းက စာသင်ကျောင်းလိုအပ်ချက်နှင့် ကျောင်းသား/ကျောင်းသူများကို စာပေဘာသာ ရပ်များအပြင် စာရိတ္တဖွံ့ဖြိုးတိုးတက်စေရန်၊ ယဉ်ကျေးလိမ္မာသိတက်သော မျိုးဆက်သစ်လူငယ် များ ဖြစ်စေရန်၊ ပြုစုပျိုးထောင်ပေးကြစေလိုကြောင်း ပြောကြားသည်။
အဆိုပါ အလုပ်ရုံဆွေးနွေးပွဲသို့ ဝေါမြို့နယ်အတွင်းရှိ အခြေခံပညာကျောင်းများမှ အထက်တန်း ကျောင်းအုပ်(၁၂)ဦး၊ အလယ်တန်းကျောင်းအုပ် (၂၉)ဦး၊ မူလတန်းကျောင်အုပ်(၈၉) ဦး၊ စုစု ပေါင်း (၁၃၀)ဦးတို့ တက်ရောက်ခဲ့ပြီး ပညာရေးကဏ္ဍ၊ စီမံခန့်ခွဲမှု၊ ဘဏ္ဍရေးနှင့် စီမံကိန်း ကြီးကြပ်အကဲဖြတ်ခြင်း ဘာသာရပ်များကို အောက်တိုဘာ၂၉ ရက်မှ ၃၀ ရက်နေ့အထိ နှစ်ရက်ကြာ ဆွေးနွေးပို့ချပေးသွားမည်ဖြစ်ကြောင်း သိရသည်။
သတင်း - အောင်မြတ်လင်း
မြန်မာနေရှင်နယ်ပို့စ်
No comments:
Post a Comment