MNP - အောက်တိုဘာ ၂၈
မန္တလေးတိုင်းဒေသကြီး ငါန်းဇွန်မြို့နယ် အထွေထွေအုပ်ချုပ်ရေးဦးစီးဌာန အစည်းအဝေးခန်းမ၌ ယနေ့နံနက် ၁၀ နာရီအချိန်က မြို့နယ်အတွင်း ရပ်ကွက်/ကျေးရွာ အုပ်စုများ၌ လုံခြုံရေးနှင့် တရားဥပဒေစိုးမိုးရေး တာဝန်များထမ်းဆောင်ရာတွင် ခိုင်မြဲသောစိတ်ဓာတ်ဖြင့် ရဲဝံ့စွာထမ်းဆောင်ခဲ့ သူများအား ရဲဗလတံဆိပ်ဂုဏ်ပြုချီးမြှင့်ခြင်းအခမ်းအနား ကျင်းပခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္က ဦးမျိုးမင်းသိန်းက နိုင်ငံတော်စီမံအုပ်ချုပ်ရေးကောင်စီမှ ချီးမြှင့်သည့် ရွှေဖြင့်ပြုလုပ်ထားသည့် ရဲဗလတံဆိပ် ဂုဏ်ပြုချီးမြှင့်ခြင်းနှင့် ပတ်သက်၍ ရှင်းလင်း ပြောကြားပြီး လုံခြုံရေးနှင့်တရားဥပဒေစိုးမိုးရေးတာဝန်များ ထမ်းဆောင်ရာတွင် ခိုင်မြဲသော စိတ်ဓာတ်ဖြင့် ရဲဝံ့စွာထမ်းဆောင်ခဲ့သူ (၄) ဦးအတွက် ရဲဗလတံဆိပ်ဂုဏ်ပြုမှတ်တမ်းလွှာနှင့် ရွှေတံဆိပ်တို့အား ပေးအပ်ချီးမြှင့်ရာ ကာယကံရှင်(၁)ဦးနှင့် မိသားစုဝင်(၃)ဦး၏ လက်ဝယ်အရောက် မြို့နယ်စီမံအုပ်ချုပ်ရေးအဖွဲ့ဥက္ကမှ ပေးအပ်ချီးမြှင့်ခဲ့ကြောင်း သိရသည်။
အဆိုပါ အခမ်းအနားသို့ မြို့နယ်စီမံအုပ်ချုပ်ရေးအဖွဲ့၊ မြို့နယ်အဆင့် ဌာနဆိုင်ရာအကြီးအကဲများနှင့် ရဲဗလတံဆိပ် ဂုဏ်ပြုချီးမြှင့်ခြင်းခံရသူ မိသားစုဝင်များ တက်ရောက်ကြောင်း သိရသည်။
သတင်း - သက်နောင်ဦး
မြန်မာနေရှင်နယ်ပို့စ်
No comments:
Post a Comment