MNP ၊ အောက်တိုဘာ ၁
ရခိုင်ပြည်နယ် အစိုးရအဖွဲ့၏ အစီအစဉ်ဖြင့် မြန်မာရေနံ နှင့် ဓာတုဗေဒလုပ်ငန်းများမှ ထုတ်လုပ်လျက်ရှိသောယူးရီးယား ဓာတ်မြေဩဇာကို ရခိုင်ပြည်နယ် စစ်တွေခရိုင် ပေါက်တောမြို့နယ်အတွင်းရှိ ဒေသခံတောင်သူများသို့ ဈေးနှုန်းချိုသာစွာဖြင့် ဖြန့်ဖြူးရောင်းချခြင်း အခမ်းအနားကို ယနေ့ မွန်းတည့် ၁၂ နာရီက ပေါက်တောမြို့နယ်စိုက်ပျိုးရေးဦးစီးဌာနရှိ အစည်းအဝေးခန်းမ၌ ကျင်းပသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဉက္ကဋ္ဌ ဦးဆန်းထွန်း က တက်ရောက်အဖွင့်အမှာစကားပြောကြား၍ ပေါက်တောမြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးအောင်သန်းဌေး က ယူးရီးယားဓာတ်မြေဩဇာ ဈေးနှုန်းချိုသာစွာဖြင့် ဖြန့်ဖြူးရောင်းချရ ခြင်းအကြောင်းကိုရှင်းလင်း ပြောကြား ပြီးပေါက်တောမြို့နယ်အတွင်းရှိ ဒေသခံ တောင်သူ ၅၁ ဦးသို့ ယူးရီးယားဓာတ်မြေဩဇာ ၅၁ အိတ်ကို ဖြန့်ဖြူးရောင်းချပေးခဲ့ကြသည်။
အဆိုပါ အခမ်းအနားသို့ မြို့နယ်စီမံအုပ်ချုပ်ရေးကောင်စီအဖွဲ့ဉက္ကဋ္ဌ ဦးဆန်းထွန်း၊မြို့နယ်စိုက်ပျိုးရေးဦးစီးဌာနမှ မြို့နယ်ဦးစီးမှူး ဦးအောင်သန်းဌေး နှင့် ဆက်စပ်ဌာန အကြီးအကဲများ၊ဒေသခံတောင်သူများ တက်ရောက်ကြကြောင်းသိရသည်။
https://t.me/MyanmarNationalPost
No comments:
Post a Comment