MNP ၊ အောက်တိုဘာ ၃
ရခိုင်ပြည်နယ် ၊ တောင်ကုတ်ခရိုင် ၊ တောင်ကုတ်မြို့နယ်တွင် ကိုဗစ်-၁၉ မျိုးရိုးဗီဇပြောင်း အိုမီခရွန် ရောဂါကာကွယ်ထိန်းချုပ်နိုင်ရန်နှင့်ကိုဗစ်-၁၉ ရောဂါနှင့်ပတ်သက်၍ပြည်သူ များကျယ်ကျယ် ပြန့်ပြန့် သိရှိလိုက်နာဆောင်ရွက်နိုင်ရေးအတွက်ခရိုင်၊မြို့နယ်စီမံအုပ်ချုပ်ရေးအဖွဲ့တို့၏ကြီးကြပ်မှုဖြင့် နှာခေါင်းစည်း တပ်ဆင်သွားလာရေးလှုပ်ရှားမှုပြုလုပ်ခြင်းနှင့် အသိပညာပေးဆောင်ရွက်ခြင်းများကို ယန့နံနက်(၇)နာရီ အချိန်တွင် သံတွဲလမ်းဆုံ နှင့် အမ်းလမ်းဆုံ တို့တွင် စုရပ်(၂)ခုထားကာ ဆောင်ရွက် ခဲ့ကြသည်။
အဆိုပါ နှာခေါင်းစည်းတပ်ဆင်သွားလာရေးလှုပ်ရှားမှုပြုလုပ်ခြင်းနှင့်အသိပညာပေးလုပ်ငန်းများ ဆောင်ရွက်ရာတွင် ခရိုင်စီမံအုပ်ချုပ်ရေးအဖွဲ့ ဥက္ကဌ ဦးကျော်မြင့်လှိုင်နှင့်အဖွဲ့ဝင်များ ၊ မြို့နယ်စီမံ အုပ်ချုပ်ရေးအဖွဲ့ ဥက္ကဌ ဦးဇာနည်တိုး နှင့်အဖွဲ့ဝင်များ ၊ဌာနဆိုင်ရာများ ၊ လူမှုရေးအသင်း အဖွဲ့ဝင် များ က နှာခေါင်းစည်း(၅၀၀၀)ခုတို့ကို ဖြန့်ဝေပေးခြင်း ၊အသံချဲ့စက်ဖြင့် အသိပညာပေးကြေညာခြင်း၊ ဒေသခံပြည်သူ များမှ ကျန်းမာရေးဝန်ကြီးဌာန မှထုတ်ပြန်ထားသော ညွှန်ကြားချက်များနှင့်အညီ လိုက်နာမှုရှိ/မရှိ စစ်ဆေး ခြင်းနှင့်နှာခေါင်းစည်းများ စနစ်တကျတပ်ဆင်စေနိုင်ရေး သရုပ်ပြသခြင်းများကို ဆောင်ရွက်ခဲ့ကြ ကြောင်း သိရသည်။
https://t.me/MyanmarNationalPost
No comments:
Post a Comment