MNP - အောက်တိုဘာ ၄
မကွေးတိုင်းဒေသကြီး ဆိပ်ဖြူမြို့နယ်တွင် ၂၀၂၂-၂၀၂၃ ပညာသင်နှစ် ကျောင်းသား/ ကျောင်းသူများ အစားအစာ ဘေးကင်းလုံခြုံရေးအတွက် ကျောင်းမုန့်ဆိုင်များ ကွင်းဆင်းစစ်ဆေးခြင်းကို ယမန်နေ့နံနက် ၉ နာရီကဆောင်ရွက်သည်။
အဆိုပါလုပ်ငန်းကို မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ မြို့နယ်ပြည်သူ့ကျန်းမာရေးဦးစီးဌာန၊ မြို့နယ်ပညာရေး၊ မြို့နယ်စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့မှ တာဝန်ရှိသူများနှင့် မြို့နယ်မိခင်နှင့်ကလေး၊ အမျိုးသမီးရေးရာအဖွဲ့ဝင်များ ပူးပေါင်း၍ အခြေခံပညာကျောင်းများ၌ ရောင်းချလျက်ရှိသော ကျောင်းမုန့်ဆိုင်များတွင် ကျောင်းသား/ ကျောင်းသူများ အစားအစာဘေးကင်းလုံခြုံစေရန် ရက်လွန်အစားအစာများ၊ ဓာတုဆိုးဆေးများအသုံးပြု၍ ပြုလုပ်ထားသည့် အစားအစာများ၊ ကုန်ညွှန်းအမှတ်တံဆိပ်မပါရှိသော စားသောက်ကုန်များရောင်းချမှု ရှိ/ မရှိတို့ကိုလည်းကောင်း၊ သန့်ရှင်းလတ်ဆတ်သော အစားအစာများရောင်းချရေးနှင့် အစားအစာများ စနစ်တကျဖုံးအုပ်ပြီး ယင်နားစာများရောင်းချမှု မပြုလုပ်ရေးတို့ကို ကွင်းဆင်းစစ်ဆေးခဲ့ပြီး သက်ဆိုင်ရာကျောင်းအုပ်ကြီးများနှင့် ဆရာ/ ဆရာမများအား ကျောင်းသား/ ကျောင်းသူများ အစားအစာဘေးကင်းလုံခြုံရေးအတွက် ကျောင်းမုန့်ဆိုင်များအား စနစ်တကျ ကြီးကြပ်ဆောင်ရွက်သွားနိုင်ရေးတို့ကို သက်ဆိုင်ရာတာဝန်ရှိသူများက လမ်းညွှန်မှာကြားခဲ့ကြောင်း သိရသည်။
သတင်း - ကိုဇွဲ
မြန်မာနေရှင်နယ်ပို့စ်
No comments:
Post a Comment