MNP ၊ အောက်တိုဘာ ၁
ရခိုင်ပြည်နယ်၊ ပုဏ္ဏားကျွန်းမြို့နယ် စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့အင်္ဂါရပ်များနှင့်အညီပတ်ဝန်းကျင်များ သန့်ရှင်းသာယာလှပရေးအတွက် စုပေါင်းသန့်ရှင်းရေးလုပ်ငန်းများကို အပတ်စဉ်(စနေနေ့)တိုင်း အရှိန်အဟုန်မြှင့် ဆောင်ရွက်ပေးလျက်ရှိရာ ယနေ့၊ နံနက်(၇)နာရီက မြို့နယ်အဆင့်ဌာနဆိုင်ရာ ဝန်ထမ်းများစုပေါင်း၍ ပုဏ္ဏားကျွန်းမြို့၊ အခြေခံပညာအထက်တန်းကျောင်း၌ ဆောင်ရွက်ခဲ့ကြသည်။
ထိုသို့ဆောင်ရွက်ရာတွင် မြို့နယ်စီမံအုပ်ချူပ်ရေးအဖွဲ့ ဥက္က ဦးလှရွှေနှင့်အဖွဲ့ဝင်များ ကြီးကြပ်ပြီး၊ မြို့နယ်ရဲတပ်ဖွဲ့ဝင်များ၊ မြို့နယ်မီးသတ်တပ်ဖွဲ့ဝင်များနှင့်ဌာနဆိုင်ရာဝန်ထမ်းများစုပေါင်း၍ကျောင်းပတ်ဝန်းကျင်များသန့်ရှင်းသာယာလှပရေးနှင့်သွေးလွန်တုပ်ကွေးရောဂါကြိုတင်ကာကွယ်ရေးအတွက် အခြေခံပညာအထက်တန်းကျောင်း ခြံဝင်းတွင်း၌ ခြင်များ ပေါက်ပွားနိုင်သည့် နေရာတို့အား သန့်ရှင်းရေးဆောင်ရွက်ပေးခြင်း၊ ချုံနွယ်၊ မြက်ပင်များအား ခုတ်ထွင် ရှင်းလင်းခြင်း၊ စွန့်ပစ် ပလပ်စတစ်နှင့်အမှိုက်သရိုက်များကို တက်ညီလက်ညီဖြင့် စုပေါင်းရှင်းလင်း ဆောင်ရွက်ပေးခဲ့ကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment