MNP ၊ အောက်တိုဘာ ၂၉
ရခိုင်ပြည်နယ် ၊ မောင်တောမြို့နယ် မြို့ဦးရွာအနီး မူးယစ်ဆေးဝါးများ သယ်ဆောင်လာသူအား အောက်တိုဘာ ၂၉ ရက်နေ့ နံနက် (၁၄:၀၀) မိနစ် အချိန် ဖမ်းဆီးရမိခဲ့ကြောင်းသိရသည်။
ဖြစ်စဉ်မှာ လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် သတင်းအရ မောင်တောမြို့နယ် ၊ ရွာသစ်ကေ ရပ်ကွက် အနီး၌ စောင့်ဆိုင်းနေစဉ် လမ်းလျှောက်လာသူ ဘာလုတူရီ(ခ)ဂျာဘာကမ်း (၂၃)နှစ်(ဘ)နုရူဆာလမ် ၊မြို့မမြောက် ရပ် ကွက် ၊ မြို့ဦးရွာ နေထိုင်သူ အား တွေ့ရှိ၍ မသင်္ကာသဖြင့် ၎င်း ဝတ်ဆင်ထားသော ပုဆိုးကြားအတွင်းမှ အနက်ရောင် ပလက်စတစ် အပိုင်းအစဖြင့် ထုတ်လျှက် အပြာရောင်ကပ်ခွာအိတ်အတွင်း WY/R စာတမ်းပါ လိမ္မော်ရောင် စိတ်ကြွရူး သွပ် ဆေးပြား (၁၈၀)ပြား ၊အလေးချိန်(၁၈)ဂရမ်ခန့်အား သိမ်းဆည်းရမိခဲ့သည်။
မူးယစ်ဆေးဝါးများနှင့်အတူ တွေ့ရှိသူ ဘာလုတူရီ(ခ)ဂျာဘာကမ်း (၂၃)နှစ်(ဘ)နုရူဆာလမ်၊ မြို့မမြောက် ရပ်ကွက် ၊ မြို့ဦးရွာ နေထိုင်သူ နှင့် ဆက်စပ် တရားခံ(ပြေး)တစ်ဦး စုစုပေါင်းနှစ်ဦးအား မောင်တောမြို့မရဲစခန်းတွင် မယ(ပ) ၃၆/ ၂၀၂၂ ၊ မူး/စိတ်ပုဒ်မ ၁၉ (က)/၂၁ အရ အမှု ဖွင့် လှစ်ကာ အရေး ယူနိုင်ရေး စီစဉ် လျှက်ရှိပြီး ဆက်စပ်တရားခံအား ဖမ်းဆီးရမိနိုင်ရေး ဆောင်ရွက်လျက်ရှိ ကြောင်းသိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment