MNP - အောက်တိုဘာ ၁၈
ကရင်ပြည်နယ်၊ ဘားအံခရိုင်၊ ရှမ်းရွာသစ်မြို့တွင် ကျောင်းသား/သူများ ကိုဗစ်-၁၉ရောဂါကူးစက်မှုမရှိစေရေးနှင့် ကိုဗစ်-၁၉ရောဂါအန္တ ရာယ်မှ ကြိုတင်ကာကွယ်နိုင်ရန်ရည်ရွယ်၍ တစ်ကြိမ်တစ်ခါမှ ကိုဗစ်-၁၉ ရောဂါကာကွယ်ဆေးထိုးနှံခြင်းမရှိသည့် အသက်(၅)နှစ်အထက် ကျောင်းသား/သူများအား ကိုဗစ်-၁၉ရောဂါ ကာကွယ်ဆေးထိုးနှံပေးခြင်းလုပ်ငန်းကို ယနေ့နံနက်(၁၀)နာရီအချိန်တွင် အမှတ်(၂)ရပ်ကွက်ရှိ အခြေခံပ ညာမူလတန်းကျောင်းတွင် ဆောင်ရွက်ပေးခဲ့ကြောင်း သိရသည်။
ထိုသို့ဆောင်ရွက်ရာတွင် မြို့အုပ်ချုပ်ရေးမှူးဦးနိုင်ဝင်းအောင်၏ အနီးကပ်ကြီးကြပ်ဆောင်ရွက်မှုဖြင့် ကျန်းမာရေးဌာနမှ ဝန်ထမ်းများနှင့်ဆရာ/မများက အသက်(၅)နှစ်အထက် တစ်ကြိမ်တစ်ခါမှ ကာကွယ်ဆေးထိုးနှံခြင်းမရှိသည့် ကျောင်းသား/သူများနှင့် အကြောင်းအမျိုးမျိုးကြောင့် ကာကွယ်ဆေးထိုးနှံရန် ကျန်ရှိသည့် ကျောင်းသား/သူများ (၄၅)ဦးအား အပူချိန်တိုင်းတာပေးခြင်း၊ စာရင်းရေးသွင်းပေးခြင်းနှင့် ကိုဗစ်-၁၉ ရောဂါကာကွယ်ဆေးများထိုးနှံပေးခြင်းလုပ်ငန်းများကို ဆောင်ရွက်ပေးခဲ့ကြောင်း သိရသည်။
ရှမ်းရွာသစ်မြို့တွင် မြို့ပေါ်(၄)ရပ်ကွက်နှင့်ကျေးရွာအုပ်စု (၉)အုပ်စုရှိရာ ဒေသနေပြည်သူများ၊ ကျောင်းသား/သူများ၊ဦးတည်အုပ်စုအလိုက် ကာကွယ်ဆေးထိုးရန်အကျုံးဝင်သူများအား ရာနှုန်းပြည့်ကာကွယ်ဆေးထိုးနှံနိုင်ရေးအတွက် သက်ဆိုင်ရာတာဝန်ရှိသူများက စဉ်ဆက်မပြတ်ထိုးနှံ ဆောင်ရွက်ပေး လျက်ရှိကြောင်း သိရသည်။
သတင်း - ဇင်လေး
မြန်မာနေရှင်နယ်ပို့စ်
No comments:
Post a Comment