MNP - အောက်တိုဘာ ၃၁
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့၊ အ.ထ.က(၁)ကျောင်းတွင် ယနေ့ နံနက် ၉ နာရီ အချိန်က တက္ကသိုလ်ဝင်စာမေးပွဲတွင် ဝင်ရောက်ဖြေဆိုမည့် ကျောင်းသား၊ ကျောင်းသူများအား စနေ၊ တနင်္ဂနွေနေ့များ တွင် စေတနာကျောင်း ဖွင့်လှစ်သင်ကြားနိုင်ရေးအတွက် လုပ်ငန်းညှိနှိုင်းအစည်းအဝေး ကျင်းပပြုလုပ်ခဲ့ကြောင်း သိရသည်။
အဆိုပါ လုပ်ငန်းညှိနှိုင်း အစည်းအဝေးပွဲကို ဝါးခယ်မမြို့နယ် စီမံအုပ်ချုပ်ရေးအဖွဲ့ဥက္ကဋ္ဌ ဦးစွမ်းထက်၊ မြို့နယ်ပညာရေးမှူး၊ မြို့ပေါ်ကျောင်းအုပ်ကြီးများနှင့် မြို့ပေါ်ရပ်ကွက်အုပ်ချုပ်ရေးမှူးများ တက်ရောက် ကြပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးစွမ်းထက်မှ ၂၀၂၃ ခုနှစ်၊ တက္ကသိုလ်ဝင်စာမေးပွဲတွင် ဝင်ရောက်ဖြေဆိုမည့် ကျောင်းသား၊ ကျောင်းသူ အတွင်းဖြေ ဖြေဆိုမည့်သူများ၊ ပြင်ပဖြေဆိုမည့်သူများ အား စနေ၊ တနင်္ဂနွေနေ့များတွင် စေတနာကျောင်း ဖွင့်လှစ်သင်ကြားနိုင်စေရေး၊ ကျောင်းတွင်း၊ ကျောင်းပြင် ကျောင်းသား၊ ကျောင်းသူများ၏ လုံခြုံရေးဆိုင်ရာ ကိစ္စရပ်များနှင့် ကျန်းမာရေးဆိုင်ရာ ကိစ္စရပ်များကို ရှင်းလင်းပြောကြား ဆွေးနွေးခဲ့ကြောင်း သိရသည်။
သတင်း- ဟိန်းထက်လင်း
မြန်မာနေရှင်နယ်ပို့စ်
No comments:
Post a Comment