MNP - အောက်တိုဘာ ၁၂
မွန်ပြည်နယ်၊ သံဖြူဇရပ်မြို့နယ်၌ အသက်(၂)လမှအသက်(၂)နှစ်အောက် ကလေးငယ်များအား ဝမ်းပျက် ဝမ်းလျှောရောဂါ ကာကွယ်ဆေးတိုက်ကျွေးခြင်းကို ယမန်နေ့ နံနက်(၁၀) နာရီက မြို့နယ်အတွင်းရှိ ရပ်ကွက်/ ကျေးရွာ အုပ်ချုပ်ရေးမှူးရုံးများတွင် တိုက်ကျွေးခဲ့သည်။
ထိုသို့ ဝမ်းပျက်ဝမ်းလျှောရောဂါ ကာကွယ်ဆေးများ တိုက်ကျွေးရာတွင် ကျန်းမာရေးဝန်ထမ်းများက သံဖြူဇရပ်မြို့နယ်အတွင်းရှိ အသက် (၂) လမှ အသက်(၂)နှစ်အောက် ကလေးငယ်များအား ပြင်းထန်ဝမ်းပျက်ဝမ်းလျှော ဖြစ်စေတတ်သော (Rota) ကာကွယ်ဆေး တိုက်ကျွေးခြင်းကို ကျန်းမာရေးဝန်ကြီးဌာန၏ ကိုဗစ်-၁၉ရောဂါ ကာကွယ်ထိန်းချုပ်ရေး လမ်းညွှန်ချက်များနှင့်အညီ တိုက်ကျွေးပေးခဲ့ကြောင်း သိရသည်။
သတင်း - အေးအေးသီ
မြန်မာနေရှင်နယ်ပို့စ်
No comments:
Post a Comment