MNP - အောက်တိုဘာ ၂၈
ကျောင်းသား၊ ကျောင်းသူများ ကိုယ်ကာယကျန်းမာကြံ့ခိုင်စေရန်ရည်ရွယ်၍ ဆောင်းရာသီ ကျောင်းတွင်း အားကစားပြိုင်ပွဲများကို ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၊ မိုင်းခုတ်မြို့ အတွင်းရှိ အခြေခံပညာကျောင်းများ၌ ယနေ့နံနက်ပိုင်းမှ စတင်ကာ ကျင်းပပြုလုပ်လျက်ရှိကြောင်း သိရသည်။
ထိုသို့ အားကစားပြိုင်ပွဲကျင်းပပြုလုပ်လျက်ရှိရာ အခြေခံပညာအထက်တန်းကျောင်း (မိုင်းခုတ်)၌ အလယ်တန်းနှင့် အထက်တန်းအဆင့် ထုတ်ဆီးထိုးပြိုင်ပွဲ၊ ကြက်ဖခွပ်ပြိုင်ပွဲ၊ ရွှေစွန်ညို (မထွေးအမိဖမ်း) ပြိုင်ပွဲနှင့် ကျောကုန်းထောက်/တန်းကျော် ပြိုင်ပွဲများကျင်းပလျက်ရှိပြီး အခြေခံ ပညာမူလတန်းကျောင်း (ဟိုခန့်)၌ မူလတန်းအဆင့် ထုတ်ဆီးထိုးပြိုင်ပွဲများကျင်းပလျက်ရှိရာ ကျောင်းသား၊ ကျောင်းသူများ ပျော်ရွှင်စွာ ပါဝင်ယှဉ်ပြိုင်လျက်ရှိကြောင်း သိရသည်။
အဆိုပါပြိုင်ပွဲများတွင် ဆုရရှိသည့် ကျောင်းသား၊ ကျောင်းသူများအား ဂုဏ်ပြုဆုလက်ဆောင်များ ပေးအပ်ချီးမြှင့်သွားမည်ဖြစ်ကြောင်း တာဝန်ရှိသူများထံမှ သိရသည်။
သတင်း - ယဉ်ယဉ်ဝင်း
မြန်မာနေရှင်နယ်ပို့စ်
No comments:
Post a Comment