MNP - အောက်တိုဘာ ၁၉
ဧရာဝတီတိုင်းဒေသကြီး၊ ဇလွန်မြို့နယ် ပညာရေးကော်မတီဥက္ကဋ္ဌဖလား ကျောင်းပေါင်းစုံ နယ်မြေအလိုက် အမျိုးသမီး ဘောလုံးပြိုင်ပွဲ ဗိုလ်လုပွဲနှင့်ဆုချီးမြှင့်ပွဲ အခမ်းအနားကို ယမန်နေ့ ညနေ ၃ နာရီတွင် မြို့နယ်ပြည်သူ့အားကစားကွင်းတွင် ကျင်းပခဲ့သည်။
ဗိုလ်လုပွဲတွင် ရေလဲတိုက်နယ် ဘောလုံးအသင်းနှင့် မြို့မတိုက်နယ် ဘောလုံးအသင်းတို့ ယှဉ်ပြိုင် ကစားကြရာ ရေလဲတိုက်နယ် ဘောလုံးအသင်းက အနိုင်ရရှိခဲ့သည်။ ယင်းနောက် ဆုပေးပွဲ အခမ်းအနားကို ဆက်လက်ကျင်းပရာ တတိယဆုရရှိသော သာဒုချောင်း တိုက်နယ်ဘောလုံးအသင်း၊ ရှေ့တန်းအကောင်းဆုံးဆု၊ အလယ်တန်း အကောင်းဆုံးဆု၊ နောက်တန်း အကောင်းဆုံးဆု၊ ဂိုးသမားအကောင်းဆုံးဆု၊ ပွဲစဉ်တလျှောက် အကောင်းဆုံး အားကစားသမားဆု ရရှိခဲ့သည့် အားကစားသမားများ၊ ဒုတိယဆုရရှိသော မြို့မတိုက်နယ်ဘောလုံးအသင်းနှင့် ပထမဆုရရှိသော ရေလဲတိုက်နယ်ဘောလုံးအသင်းအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးထွန်းထွန်းလင်းနှင့် တာဝန်ရှိသူများက ဆုများအသီးသီး ပေးအပ်ချီးမြှင့်ခဲ့ကြသည်။
သတင်း - ဝေယံ
မြန်မာနေရှင်နယ်ပို့စ်
No comments:
Post a Comment