MNP - အောက်တိုဘာ ၂၈
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်၊ ရှမ်းစုကျေးရွာတွင် ၂၀၂၂-၂၀၂၃ ဘဏ္ဍာရေးနှစ်၊ ကျေးလက်ဒေသဖွံ့ဖြိုးရေး ရန်ပုံငွေဖြင့် ဆောင်ရွက်သော စက်ရေတွင်း (တွင်းနက်) တူးဖော်ခြင်းလုပ်ငန်း ရာနှုန်းပြည့်ပြီးစီးကြောင်း ကျွန်းလှမြိုနယ် အထွေထွေအုပ်ချုပ်ရေးဦးစီးဌာနမှ သိရသည်။
စက်ရေတွင်း အနံ ၂ လက်မ၊ အနက် ၂၀၀ ပေ တူးဖော်ခြင်းနှင့် ရေစုပ်စက်တပ်ဆင်ခြင်းကို ခွင့်ပြုရန်ပုံငွေကျပ် ၁၀ သိန်း၊ ပြည်သူထည့်ဝင်ငွေကျပ် ၅ သိန်း၊ စုစုပေါင်း ၁၅ သိန်းဖြင့် အကောင်အထည်ဖော် ဆောင်ရွက်ခဲ့ကြောင်း သိရသည်။
အဆိုပါ စက်ရေတွင်း တူးဖော်ပြီးစီး၍ ရှမ်းစုကျေးရွာရှိ အိမ်ခြေ (၃၈) အိမ်၊ အိမ်ထောင်စု (၃၂) စု၊ လူဦးရေ (၁၆၈) ဦးတို့အား သန့်ရှင်းသောသောက်သုံးရေ ဖူလုံစွာရရှိမည်ဖြစ်ကြောင်း သိရသည်။
သတင်း - မျိုးဝင်းညို
မြန်မာနေရှင်နယ်ပို့စ်
No comments:
Post a Comment