MNP ၊ အောက်တိုဘာ ၂၉
ရခိုင်ပြည်နယ် ၊ မောင်တောမြို့နယ် ကညင်တန်းရပ်ကွက်အနီး မူးယစ်ဆေးဝါးများ သယ်ဆောင်လာသူများအား အောက်တိုဘာ ၂၈ ရက်နေ့ နံနက် (၁၈:၀၅) မိနစ် အချိန် ဖမ်းဆီးရမိခဲ့ကြောင်းသိရသည်။
ဖြစ်စဉ်မှာ နယ်ထိန်းရဲတပ်ဖွဲ့မှ တပ်ဖွဲ့ဝင်များနှင့် လုံခြုံရေးတပ်ဖွဲ့ဝင်များ ပူးပေါင်းအဖွဲ့သည် သတင်းအရ မောင်တော မြို့နယ်၊ ကညင်တန်းရပ်ကွက် အနောက်ရွာ အထက(၁)ကျောင်းဘေး ဝေဘာဂီလမ်းနှင့် ဗိုလ်မှူးရွာသွား လမ်း ထောင် အနီးစောင့်ဆိုင်းနေစဉ် SUZUKI SMASH အမျိုးအစား နီ/နက် ရောင် (လိုင်စင်စိစစ်ဆဲ) ဆိုင်ကယ်ဖြင့် မောင်သာရွှေ(ခ)အူမော်ဖာရု၏ နေအိမ်လမ်းပေါ်သို့ မာမတ်ရှား တို့အတူ ဆိုင်ကယ်ဖြင့် မောင်းနှင်းရန် ပြင်ဆင်နေစဉ် မသင်္ကာမှုဖြင့် စစ်ဆေးရာ ဆိုင်ကယ်ယာဘက် လက်ကိုင်ချိတ်၍ သယ်ဆောင်လာသော VICTOR တံဆိပ်ပါ လိမ္မော်ရောင် အိတ်အတွင်း မြင်းချီးရောင်စက္ကူဖြင့် ထုတ်ထားသော အတောင့်(၂)တောင့် အတွင်း(၁)တောင့်လျှင် အပြာရောင် ကပ်ခွာအိတ်ငယ်(၅၀)ထုတ် ၊ တစ်ထုတ်လျှင် မူးယစ်စိတ်ကြွရူးသွပ်ဆေးပြား WY/R စာတမ်းပါ လိမ္မော်ရောင် စိတ်ကြွရူး သွပ် ဆေးပြား (၁၈၀)ပြား ၊ (၅၀)အိတ်အတွင်း (၉၀၀၀)ပြားပါ အတောင့် (၂)တောင့်အတွင်း စုစုပေါင်းဆေးပြား(၁၈၀၀၀) ပြား ၊ အလေးချိန်(၁၈၀၀)ဂရမ်ခန့်အား သိမ်းဆည်းရမိခဲ့ကြောင်း သိရသည်။
မူးယစ်ဆေးဝါးများ နှင့်အတူ တွေ့ရှိသူများဖြစ်သော မာမတ်ရှား (၃၁) နှစ်(ဘ)မာမတ်အီဒရိ နှင့် မောင်သာရွှေ(ခ)အူမော်ဖာရု (၂၄)နှစ် (ဘ)မော်နီအူလာ ကညင်တန်းရပ်ကွက်နေသူ တို့နှစ်ဦးအား မောင်တောမြို့မရဲစခန်းတွင် မယ(ပ) ၃၅/ ၂၀၂၂ ၊ မူး/စိတ်ပုဒ်မ ၁၉ (က)/၂၁ အရ အမှုဖွင့်လှစ်ကာ အရေးယူနိုင်ရေး စီစဉ်ဆောင်ရွက် လျှက်ကြောင်း သိရသည်။
ဝေလ(မောင်တော)
https://t.me/MyanmarNationalPost
No comments:
Post a Comment