MNP - အောက်တိုဘာ ၁၇
ကမာရွတ်ခရိုင်၊ ကမာရွတ်မြို့နယ်တွင် ယမန်နေ့နံနက်(၀၉:၀၀)နာရီအချိန်က ကမာရွတ်မြို့နယ် အမှတ် ၉ ရပ်ကွက်ရှိ အခြေခံပညာမှုလတန်းကျောင်း အမှတ်(၂)ပညာတန်ဆောင်ခန်းမ၌ ကမ္ဘာ့ရှေးဦးသူနာပြုနေ့၌ ဆုရဂုဏ်ထူးဆောင်တပ်ဖွဲ့ဝင်များအား ဆုချီးမြှင့်ပွဲအခမ်းအနားကို ကျင်းပပြုလုပ်ခဲ့ပါသည်။
အဆိုပါအခမ်းအနားသို့ ကမာရွတ်မြို့နယ် စီမံအုပ်ချုပ်ရေးအဖွဲ့ဥက္ကဋ္ဌ၊ မြို့နယ်ကျန်းမာရေးဦးစီးဌာနနှင့် ကြက်ခြေနီအသင်းခွဲ/တပ်ဖွဲ့ ၂၀၂၂ ခုနှစ်၊ ကမ္ဘာ့ရှေးဦးသူနာပြုစုခြင်းနေ့ ဆုရဂုဏ်ဆောင်တပ်ဖွဲ့ဝင်များ တက်ရောက်ခဲ့ကြပါသည်။
ရှေးဦးစွာ ဂုဏ်ပြုပွဲအခမ်းအနားတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌမှ အဖွင့်အမှာစကားနှင့်မြို့နယ်ကြက်ခြေနီတပ်ဖွဲ့မှူးတို့မှ ဂုဏ်ပြုစကားများပြောကြားပြီးနောက် ဆုရရှိသောဂုဏ်ထူးဆောင်တပ်ဖွဲ့ဝင်များကို သက်ဆိုင်ရာတာဝန်ရှိသူများ၊ ဖိတ်ကြားထားသောဧည့်သည်တော်များနှင့် ကြက်ခြေနီတပ်ဖွဲ့ဝင်များမှ ဆုများကိုချီးမြှင့်ပေးခဲ့ကြပြီး စုပေါင်းမှတ်တမ်းဓာတ်ပုံရိုက်ကူးခြင်းများ ဆောင်ရွက်ခဲ့ကြကြောင်း သိရှိရပါသည်။
သတင်း - စိမ်းလဲ့
မြန်မာနေရှင်နယ်ပို့စ်
No comments:
Post a Comment