MNP - အောက်တိုဘာ ၃ဝ
မိတ္ထီလာမြို့၌ အခြေခံပညာအထက်တန်းကျောင်း၊ အလယ်တန်းကျောင်းနှင့် မူလတန်းကျောင်းများမှ ကျောင်းအုပ်ကြီးများစီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲကို ယနေ့နံနက် ၉ နာရီအချိန်က အထက ၁ တွင် ကျင်းပကြောင်းသိရသည်။
မိတ္ထီလာမြို့နယ်အတွင်းမှာရှိတဲ့ အခြေခံပညာအထက်တန်းကျောင်း ၁၆ ကျောင်း၊ အခြေခံပညာအလယ်တန်းကျောင်း ၂၈ ကျောင်း၊ မူလတန်းကျောင်း ၂၂၂ ကျောင်းနှင့် မူလတန်းကျောင်းခွဲ ၁ ကျောင်းတို့မှ ကျောင်းအုပ်ဆရာဆရာမကြီးများ ၂၆၄ ဦး စီမံခန့်ခွဲမှုစွမ်းဆောင်ရည်မြင့်မားရေး အလုပ်ရုံဆွေးနွေးပွဲကို တက်ရောက်ပါတယ်။ အလုပ်ရုံဆွေးနွေးပွဲမှာ စီမံဘာသာရပ်၊ ဘဏ္ဍာဘာသာရပ်၊ ပညာဘာသာရပ်၊ စီမံကိန်းများ ကြီးကြပ်အကဲဖြတ်ဘာသာရပ်၊ စာရင်းအင်းဘာသာရပ်နဲ့ အိုင်စီတီဘာသာရပ်များကို ဦးဆောင်ဆွေးနွေးပို့ချမယ့် ဆရာဆရာမတွေနဲ့ တက်ရောက်လာကြတဲ့ သင်တန်းသားသင်တန်းသူ ကျောင်းအုပ်ဆရာ/ဆရာမတွေနဲ့ အပြန်အလှန်ဆွေးနွေးပို့ချသွားမှာဖြစ်ပါတယ်ဟု မြို့နယ်ပညာရေးမှူးရုံးမှ တာဝန်ရှိသူတစ်ဦးက ပြောသည်။
အဆိုပါ ကျောင်းအုပ်ကြီးများ စီမံခန့်ခွဲမှုစွမ်းဆောင်ရည်မြင့်မားရေးအလုပ်ရုံဆွေးနွေးပွဲကို အောက်တိုဘာ လ ၃ဝ ရက်နေ့မှ ၃၁ ရက်နေ့အထိနေ့စဉ် နံနက် ၉ နာရီမှ ညနေ ၄ နာရီအချိန်ထိ ကျင်းပပြုလုပ်သွားမည် ဖြစ်ကြောင်းသိရသည်။
သတင်း - ချမ်းသာ
မြန်မာနေရှင်နယ်ပို့စ်
No comments:
Post a Comment