MNP - အောက်တိုဘာ ၇
မကွေးတိုင်းဒေသကြီး နတ်မောက်မြို့နယ်တွင်ဌာနဆိုင်ရာများ လုပ်ငန်းညှိနှိုင်းအစည်းအဝေးနှင့် ထောက်ပံ့ငွေပေးအပ်ပွဲကို ယမန်နေ့နံနက်(၁၀) နာရီအချိန်က နတ်မောက်မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာန (Community Centre) ဘက်စုံသုံးခန်းမတွင် ကျင်းပခဲ့သည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ မြို့နယ်အုပ်ချုပ်ရေးမှူး ဦးသန့်စင်က နတ်မောက်မြို့နယ်တွင် ကိုဗစ်-၁၉ရောဂါ ကာကွယ်ရေးအကြောင်းသိကောင်းစရာများ၊ လူစုလူဝေးရှိသော နေရာများသို့ သွားလာရာတွင် နှာခေါင်းစည်း Mask များ တပ်စေရေး အသိပညာပေး နှိုဆော်မှုအားအရှိန်အဟုန်မြှင့် ဆောင်ရွက်စေလိုကြောင်း၊ လူတိုင်းကိုဗစ်-၁၉ ကာကွယ်ဆေး အကြိမ်ပြည့်ထိုးနှံနိုင်ရေးနှင့် ထပ်ဆောင်းကာကွယ်ဆေးထိုးနှံရေး နှိုးဆော်ဆောင်ရွက်ရန် ဆွေးနွေးပြောကြားခဲ့သည်။ ဆက်လက်၍ ၂၀၂၂-၂၀၂၃ ဘဏ္ဍာရေးနှစ် တတိယပတ် အသက်(၈၅)နှစ်အထက် သက်ကြီးဘိုးဘွားများအား ထောက်ပံ့ငွေပေးအပ်ပွဲကျင်းပရာ သက်ဆိုင်ရာရပ်ကွက်/ကျေးရွာ စာရေးဝန်ထမ်း များနှင့် အုပ်ချုပ်ရေးမှူးများမှ စနစ်တကျ သွားရောက်ထောက်ပံ့နိုင်ရေး ဆောင်ရွက်ရန်တို့မှာကြားပြီး သက်ကြီးဘိုးဘွားတစ်ဦးလျှင် ထောက်ပံ့ငွေကျပ်(၃၀၀၀၀)နှုန်းဖြင့် အဘိုးအဘွား(၁၁၇၇) ဦးအတွက် ထောက်ပံ့ငွေများ ပေးအပ်ခဲ့ကြောင်းသိရသည်။
သတင်း - လှဝင်း
မြန်မာနေရှင်နယ်ပို့စ်
No comments:
Post a Comment