MNP ၊ အောက်တိုဘာ ၁၁
မွန်ပြည်နယ် ကျိုက်ထိုမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ကြက်ခြေနီအသင်း(ခွဲ)တို့ပူးပေါင်း၍ရှေးဦးပြုစုခြင်း (အခြေခံ) သင်တန်းကိုအောက်တိုဘာ ၁၁ ရက် နံနက် ၉ နာရီတွင်မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး လူထုအခြေပြုဗဟို ဌာန ခန်းမ(Community Centre) ၌ဖွင့်လှစ်ခဲ့သည်။
သင်တန်းဖွင့်ပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဌဦးမျိုးမင်းစိုး(မြို့နယ် အုပ်ချုပ်ရေးမှူး)က အဖွင့်အမှာစကားပြောကြားပြီး ကျိုက်ထိုမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်သန်းသန်းမော် က သင်တန်းဖွင့်လှစ်ရသည့်ရည်ရွယ်ချက်ကို လည်းကောင်း၊မြို့နယ် ကြက်ခြေနီအသင်း တပ်ဖွဲ့မှူး ဦးဆန်းဝင်းအောင် က သင်တန်းအစီအမံ များကို လည်းကောင်း ရှင်းလင်း ပြောကြားခဲ့ကြသည်။
ယင်းနောက် မြို့နယ် ကြက်ခြေနီအသင်းမှတပ်ဖွဲ့မှူးဦးဆန်းဝင်းအောင် နှင့် နည်းပြ (၃)ဦးတို့ကရှေးဦးပြုစုခြင်း (ဘာသာရပ်) များကို အောက်တိုဘာ(၁၁)ရက်နေ့မှ (၁၄)ရက်နေ့ထိ (၄)ရက်ကြာ သင်တန်းသား သင်တန်းသူ(၃၅)ဦးတို့အား သင်ကြား ပို့ချသွားမည်ဖြစ်ကြောင်း သိရသည်။
https://t.me/MyanmarNationalPost
No comments:
Post a Comment