MNP ၊ အောက်တိုဘာ ၁၂
ရခိုင်ပြည်နယ် မာန်အောင်မြို့ လူထုအခြေပြုဗဟိုဌာန (Community Centre) ခန်းမတွင် ကလေးအလုပ်သမားပပျောက်ရေး အသိပညာပေး နံရံကပ်စာစောင်ပြပွဲကို ယနေ့မွန်းလွဲ ၁နာရီက ကျင်းပပြုလုပ်ခဲ့သည်။
ထိုသို့ဆောင်ရွက်ရာတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ ဒုတိယဦးစီးမှူး ဒေါ်ကြည်ကြည်ဝင်းက နံရံကပ်စာစောင်များကို ကြည့်ရှုလာသူ ကျောင်းသား/သူများအား ကလေးအလုပ်သမားဆိုသည်မှာ ဥပဒေကခွင့်ပြုထားသည့် အသက်အရွယ် အောက် ကလေးငယ်များကို ခေါ်ဆိုခြင်းဖြစ်ကြောင်း အလုပ်လုပ်ရန် ဥပဒေကခွင့်ပြုထားသော်လည်းကလေးအလုပ်သမားများသည် အလုပ်ခွင်၌ အချိန်ပြည့်နီးပါး အလုပ်လုပ်ကြရ သဖြင့်စိတ်ပိုင်း၊ရုပ်ပိုင်းဆိုင်ရာနာကျင်မှုများ မလွဲမသွေ ခံစားကြရမည်ဖြစ်ကြောင်း၊ ကလေးအလုပ်သမားနှင့် ပတ်သက်၍ ကာကွယ်ပေးထားသည့် ဥပဒေများရှိကြောင်း၊ မြန်မာနိုင်ငံ အနေဖြင့် ၁၈-၁၂-၂၀၁၃ ရက်နေ့တွင်ကလေးအလုပ်သမားခိုင်းစေခြင်းဆိုင်ရာ ပြဌာန်းချက်အမှတ် (၁၈၂)ကိုအတည်ပြုလက်မှတ်ရေးထိုး ခဲ့ပါကြောင်း ရှင်းလင်းပြောကြားခဲ့ပြီး ကျောင်းသား/သူများက ကလေးအလုပ်သမားပပျောက်ရေးဆိုင်ရာ အသိပညာပေးနံရံကပ်စာစောင်များကို စိတ်ဝင်စားစွာ ကြည့်ရှုခဲ့ကြကြောင်းသိရသည်။
ဦးသိန်းဖေ
https://t.me/MyanmarNationalPost
No comments:
Post a Comment