MNP - အောက်တိုဘာ ၁၇
ရှမ်းပြည်နယ်(မြောက်ပိုင်း)၊ လားရှိုးမြို့ လူထုအခြေပြုဗဟိုဌာန Community Centre ၊ ကွန်ပျူတာခန်းမတွင် ယနေ့ နံနက်(၈)နာရီအချိန်က အခြေခံကွန်ပျူတာသင်တန်း(၃/၂၀၂၂) ဖွင့်ပွဲအခမ်းအနား ကျင်းပပြုလုပ်ခဲ့သည်။
အခမ်းအနားတွင် လားရှိုးခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လက်ထောက်ညွှန်ကြားရေးမှူး ဒေါ်ကေသွယ်ဟန်က အခြေခံကွန်ပျူတာသင်တန်းများဖွင့်လှစ်ရခြင်း၏ ရည်ရွယ်ချက်များ၊ လူထုအခြေပြုဗဟိုဌာန Community Centre မိတ်ဆက်နှင့်ဆောင်ရွက်လျက်ရှိသော အသိပညာပေးလုပ်ငန်းများနှင့် ပတ်သက်၍ ရှင်းလင်းပြောကြားခဲ့သည်။ ထို့နောက် အခြေခံကွန်ပျူတာသင်တန်း အခမဲ့လာရောက် သင်ကြားပေးသော ဦးထက်မြက်စိုး(ရွှေပြည့်အိမ်)က ကွန်ပျူတာသင်တန်း မိတ်ဆက်နှင့် သင်တန်းစည်းကမ်း များကို ပြောကြားခဲ့သည်။
အဆိုပါ ကွန်ပျူတာသင်တန်းကို(၁၇-၁၀-၂၀၂၂)ရက်နေ့မှစ၍ အချိန်တစ်လခွဲ သင်ကြားပို့ချသွားမည်ဖြစ်ပြီး လားရှိုးမြို့ပေါ်ရှိ သင်တန်း သား၊ သင်တန်းသူ(၂၂)ဦးတက်ရောက် သင်ကြားလျက်ရှိကြောင်း သိရသည်။
သတင်း - စိုင်းအောင်ကျော်စိုး
မြန်မာနေရှင်နယ်ပို့စ်
No comments:
Post a Comment