ပုဏ္ဏားကျွန်းမြို့တွင် ကိုဗစ်-၁၉ ရောဂါ ကြိုတင်ကာကွယ်နိုင်ရေး Mask Campaign ပြုလုပ်

MNP ၊ အောက်တိုဘာ ၁၇

ရခိုင်ပြည်နယ်၊ ပုဏ္ဏားကျွန်းမြို့၌ ပြည်သူများ ကိုဗစ်-၁၉ မျိုးရိုးဗီဇပြောင်းအိုမီခရွန် ရောဂါ ကူးစက်ပြန့်ပွားမှုမရှိစေရန်နှင့် နေအိမ်ပြင်ပသို့ ထွက်တိုင်း နှာခေါင်းစည်း(Mask)စနစ် တကျ တပ်ဆင်သည့် အလေ့အကျင့်ကောင်းများ ရရှိစေရန်ရည်ရွယ်၍ မြို့နယ် ကိုဗစ်-၁၉ ကာကွယ်ထိန်းချုပ်ရေးနှင့်အရေးပေါ်တုံ့ပြန်ရေးကော်မတီ၏ ဦးဆောင်မှုဖြင့် မြို့နယ်အဆင့် ဌာနဆိုင်ရာဝန်ထမ်းများ၊ စစ်ကြောင်းကြီး ၅ ကြောင်းမှ လူမှုရေးစစ်ကြောင်းအဖွဲ့ ခေါင်းဆောင်များပါဝင်သော ပူးပေါင်းအဖွဲ့သည် ယနေ့၊ နံနက် ၇ နာရီခွဲက မြို့မဈေးကြီးနှင့် ဈေးလမ်းမတစ်လျှောက် ဈေးရောင်း ဈေးဝယ်ပြည်သူများအား ပါးစပ်နှင့်နှာခေါင်းစည်း Mask စနစ်တကျ တပ်ဆင်ရေး အသိပညာပေးလုပ်ငန်းများဆောင်ရွက်ခဲ့ကြသည်။

ထိုသို့ဆောင်ရွက်ရာတွင် မြို့နယ်စီမံအုပ်ချုပ်ရေးအဖွဲ့ ဥက္က ဦးမောင်စံဝင်းနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများ၊ စစ်ကြောင်းကြီး(၅)ကြောင်းမှ လူမှုရေးစစ်ကြောင်းအဖွဲ့ ခေါင်းဆောင်များ၊ မြို့နယ်ရဲတပ်ဖွဲ့ဝင်များ၊ မိခင်နှင့်ကလေးစောင့်ရှောက်ရေးအသင်းဝင်များ၊ အမျိုးသမီးရေးရာအဖွဲ့ဝင်များပါဝင်သော ပူးပေါင်းအဖွဲ့သည် ပြည်သူများအား နှာခေါင်းစည်း Mask များကို စနစ်တကျတပ်ဆင်ကြရန်တိုက်တွန်းခဲ့ကြပြီး၊ ကျန်းမာရေးဝန်ကြီးဌာနမှ ထုတ်ပြန်ထားသော ကိုဗစ်-၁၉ ရောဂါ ကာကွယ်ထိန်းချုပ်ရေး သတ်မှတ်စည်းကမ်းချက်များကို တိကျစွာလိုက်နာကြရန်၊ ပြည်သူများ နေအိမ်အပြင်သို့ထွက်တိုင်း ပါးစပ်နှင့်နှာခေါင်းစည်း Mask မဖြစ်မနေ တပ်ဆင်သွားလာကြရန်၊ ကိုဗစ်-၁၉ ရောဂါ ကာကွယ်ဆေးကို အကြိမ်ပြည့် မပျက်မကွက် ထိုးနှံပေးကြရန် အသိပေးနိုးဆော်ခဲ့ကြောင်းသိရသည်။ 

နီထွန်းအောင်

https://t.me/MyanmarNationalPost