MNP - အောက်တိုဘာ ၁၉
ရန်ကုန်တိုင်းဒေသကြီး၊ ရန်ကုန်အနောက်ပိုင်းခရိုင်၊ ဒဂုံမြို့နယ်၊ ပြည်လမ်းအရှေ့ရပ်ကွက်၊ မြို့မကျောင်းလမ်း၊ အိမ်တော်ရာစေတီတော်ဝင်းအတွင်းရှိ ရတနာ့ဗိမာန်တော်တန်ဆောင်းတွင် ယမန်နေ့နံနက် ၉ နာရီမှ ၁၃:၀၀ နာရီထိ ဒဂုံမြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးမင်းသူကျော်၊ အဖွဲ့ဝင်(၁)ဗိုလ်မှူးစောပိုင်၊ အဖွဲ့ဝင်(၂)ဦးမြင့်အေး၊ အတွင်းရေးမှူးယာယီရဲမှူးမင်းခိုင်တို့မှကြီးကြပ်၍ ဒဂုံမြို့နယ်ပြည်သူ့ကျန်းမာရေးဦးစီးဌာနမှ မြို့နယ်ကျန်းမာရေးဦးစီးမှူးဒေါက်တာရွှေပြည်ပါ ကျန်းမာရေးဝန်ထမ်း ၁၀ ဦးနှင့် ကျန်းမာရေးစစ်ကြောင်းအဖွဲ့ဝင်များက ဒဂုံမြို့နယ်အတွင်းရှိ ယောမင်းကြီးရပ်ကွက်၊ ဘုရားကြီးရပ်ကွက်၊ ပြည်လမ်းအရှေ့ရပ်ကွက်၊ ပြည်လမ်းအနောက်ရပ်ကွက်၊ ဦးဝိစာရရပ်ကွက်တို့မှ အသက်(၁၈)နှစ်နှင့်အထက်ရှိသူများအား ကိုဗစ်-၁၉ ရောဂါကာကွယ်ဆေးထိုးနှံပေးခြင်း ဆောင်ရွက်ခဲ့ကြသည်။
ထိုသို့ဆောင်ရွက်ရာတွင် ပထမအကြိမ်အဖြစ်ကျား(၁၃)ဦး၊ မ(၁၆)ဦး ပေါင်း(၂၉)ဦးတို့အား (Sinopharm) အမျိုးအစားကာကွယ်ဆေး(၁)လုံးလျှင် လူ(၅)ဦးနှုန်းဖြင့် ဆေးလုံးရေ(၅.၈)လုံးအားလည်းကောင်း၊ ဒုတိယအကြိမ်အဖြစ် ကျား(၂၈)ဦး၊ မ(၃၇)ဦး၊ ပေါင်း(၆၅)ဦးတို့အား (Sinopharm) အမျိုးအစားကာကွယ်ဆေး(၁)လုံးလျှင် လူ(၅)ဦးနှုန်းဖြင့် ဆေးလုံးရေ(၁၃)လုံးအားလည်းကောင်း၊ ကိုဗစ်-၁၉ ရောဂါထပ်ဆောင်းကာကွယ်ဆေးအဖြစ် ကျား(၇၀)ဦး၊ မ(၈၅)ဦး ပေါင်း(၁၅၅)ဦးတို့အား (Myancopharm)အမျိုးအစား ကာကွယ်ဆေး(၁)လုံးလျှင် လူ(၅)ဦးနှုန်းဖြင့် ဆေးလုံးရေ(၃၁)လုံးအားလည်းကောင်း စုစုပေါင်း(ကျား ၁၁၁ + မ ၁၃၈ = ၂၄၉ ဦး)တို့အား ကာကွယ်ဆေးထိုးနှံပေးခဲ့ကြပြီး ကျန်းမာရေးစစ်ကြောင်းအဖွဲ့ဝင်များက Mask များဝေငှပေးခဲ့ကြကြောင်း သိရသည်။
အဆိုပါကာကွယ်ဆေးထိုးနှံမှုအား ဒဂုံမြို့မရဲစခန်းမှ ရဲတပ်ကြပ်လှဝင်းပါ(၄)ဦးတို့မှ လုံခြုံရေးအတွက် ကူညီဆောင်ရွက်ခဲ့ကြကြောင်း သတင်းရရှိပါသည်။
သတင်း - ကြည်ဇေသော်
မြန်မာနေရှင်နယ်ပို့စ်
No comments:
Post a Comment