MNP ၊ အောက်တိုဘာ ၃
မွန်ပြည်နယ်၊ပေါင်မြို့နယ်တွင် လူကုန်ကူးမှုတားဆီးကာကွယ်ရေး နံရံကပ်စာစောင် ပြသခြင်းနှင့် အသိပညာပေး (Talk Show) ပြုလုပ်ခြင်းကို ယနေ့ နေ့လယ်ကပေါင် မြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန Community Centre ခန်းမ၌ ကျင်းပပြုလုပ်ခဲ့သည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိ ဒေါ်တင်ဇာစိုး က (Talk Show)ပြုလုပ်ကျင်းပရခြင်း၏ ရည်ရွယ်ချက်ကိုရှင်းလင်းပြောကြားသည်။
ထို့နောက် အမှတ် (၉)လူကုန်ကူးမှုတားဆီးနှီမ်နှင်းရေး တပ်ဖွဲ့စု မော်လမြိုင်မှ ရဲအုပ်ချစ်ချစ်စိုးက လူကုန်ကူးမှုလျော့နည်းပပျောက်စေရန် ဆောင်ရွက်ထားရှိသည့်အချက်များ၊ မြန်မာနိုင်ငံတွင် ကြုံတွေ့ရတဲ့ လူကုန်ကူးမှုအမျိုးအစားများ၊ လူကုန်ကူးမှု ဥပဒေ အသစ် ရေးဆွဲ ပြဌာန်းခဲ့မှုနှင့်စပ်လျဉ်း၍လည်းကောင်း၊လူကုန်ကူးမှုတားဆီးနှိမ်နင်းရေးရဲတပ်ဖွဲ့ဝင်များ ဖွဲ့စည်းထားမှုများ၊ဖုန်းနံပါတ်များနှင့်ဆက်သွယ်ရမည့်အချက်များအား ရှင်းလင်းဆွေးနွေးခဲ့သည်။
ထို့နောက် Community Centre ခန်းမ၌ နံရံကပ်စာစောင်များကိုပြည်သူ့များက စိတ်ပါဝင်စားစွာကြည့်ရှု့ ကြကြောင်းသိရသည်။
ပြန်ကြားရေးနှင့်ပြည်သူ့ဆက်ဆံရေးဦးစီးဌာန အနေဖြင့် Talk Show ပြုလုပ်ခြင်းဖြင့် ပြည်သူများအသိပညာများတိုးပွားစေရန်ရည်ရွယ်ပါသည်။
https://t.me/MyanmarNationalPost
No comments:
Post a Comment