MNP - နိုဝင်ဘာ ၁၅
ရခိုင်ပြည်နယ်၊ မြောက်ဦးခရိုင်၊ မြေပုံမြို့နယ်တွင် ကိုဗစ်-၁၉ ရောဂါ(ဒုတိယလှိုင်း)ကြောင့် ရောဂါကူးစက်ခံရသူများအား APTERR- Tire-3 အစီအစဉ်အရ ဂျပန်နိုင်ငံမှလှူဒါန်းသော ဆန်များ ထောက်ပံ့ပေးအပ်ပွဲကို ယမန်နေ့ညနေ(၂)နာရီအချိန်တွင် မြို့နယ်စိုက်ပျိုးရေးဦးစီးဌာန အစည်း အဝေးခန်းမ၌ပြုလုပ်သည်။
ဆန်လှူဒါန်းပွဲသို့ မြေပုံမြို့နယ် မြို့နယ်ဒုတိယအုပ်ချုပ်ရေးမှူး ဦးစိုးမြင့်အောင်ကတက်ရောက်အဖွင့်အမှာစကားပြောကြားပြီး မြို့နယ်စိုက်ပျိုးရေးဦးစီးမှူး ဦးထွန်းအေးခိုင်မှ ဆန်လှူဒါန်းရရှိသည့် အကြောင်းအရင်းများ ပြောကြားရာတွင် ကိုဗစ်-၁၉ရောဂါ(ဒုတိယလှိုင်း)ကြောင့် မိမိတို့မြို့နယ်၌ ရောဂါကူးစက်ခံရသူစုစု ပေါင်း(၉၄) ဦးရှိပါကြောင်း၊ APTERR- Tire-3 အစီအစဉ်အရ ဂျပန်နိုင်ငံမှ လှူဒါန်းသော ဆန်များခွဲဝေရာ၌ တစ်ဦးလျှင်(၇)ကီလိုနှုန်းဖြင့်ရရှိ၍ ပေးအပ်ခြင်းဖြစ်ကြောင်း၊ ရှင်းလင်းပြောကြားသည်။
ထို့နောက် တက်ရောက်လာသူများအား ဆန်(၁)ကီလိုလျှင်(၉၀၀) ကျပ်နှုန်းဖြင့် တစ်ဦးလျှင်ငွေကျပ် (၆၃၀၀)ကျပ်စီ လှူဒါန်းထောက်ပံ့ပေးခဲ့ကြောင်း သိရသည်။
သတင်း - တင်ဝင်း
မြန်မာနေရှင်နယ်ပို့စ်
No comments:
Post a Comment