MNP - နိုဝင်ဘာ ၁၂
စစ်ကိုင်းတိုင်းဒေသကြီး၊ ခန္တီးမြို့၊ အောင်သာယာရပ်၊ ဘုန်းတော်ကြီးကျောင်းတွင် စိုက်ပျိုးရေးဉီးစီးဌာန၊ ခရိုင်/မြို့နယ်ဉီးစီးမှူးရုံးမှ နေကြာမျိုးစေ့ပေးအပ်ပွဲနှင့်နေကြာစိုက်ပျိုးထုတ်လုပ်နည်း နည်းပညာသင်တန်းကို ယမန်နေ့က ကျင်းပပြုလုပ်ခဲ့ကြောင်းသိရသည်။
ရှေးဉီးစွာ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဉီးသက်ဉီးဆွေက အဖွင့်အမှာစကားပြောကြားပြီး စိုက်ပျိုးရေးဉီးစီးဌာန၊ ခရိုင်ဉီးစီးမှူး ဉီးနိုင်မော်လွင်မှ သင်တန်းဖွင့်လှစ်ရခြင်း၏ ရည်ရွယ်ချက်အား ရှင်းလင်းပြောကြားကာ စိုက်ပျိုးရေးဉီးစီးဌာန၊ မြို့နယ်ဉီးစီးမှူး ဒေါ်စုစုခိုင်မှ ရေဆင်းစပ်မျိုး-၁ နေကြာသီးနှံ၏ အရည်အချင်းလက္ခဏာများ၊ တစ်ဧကအသုံးပြုရမည့် မျိုးစေ့နှုန်းထားများနှင့် စိုက်ပျိုးနည်းကိုဆွေးနွေးပို့ချခဲ့သည်။
ဆက်လက်၍ သင်တန်းသို့တက်ရောက်လာသည့် ခရိုင်/မြို့နယ် ဌာနဆိုင်ရာအကြီးအကဲများမှ နေကြာမျိုးစေ့များ၊ သင်ထောက်ကူပစ္စည်းများနှင့် စိုက်ပျိုးနည်းပညာပေးလက်ကမ်းစာစောင်များ အား တောင်သူများ၏ လက်ဝယ်အရောက်ပေးအပ်ခဲ့ရာ အသီးသီးလက်ခံရယူခဲ့ကြသည်။
ထို့နောက် စိုက်ပျိုးရေးဉီးစီးဌာန၊ မြို့နယ်ဉီးစီးမှူးရုံးမှ ဒု-လ/ထ ဉီးစီးမှူး ဒေါ်ရီရီမြင့်က နေကြာသီးနှံ စိုက်ပျိုးထုတ်လုပ်ခြင်းဆိုင်ရာ နည်းပညာများ ပို့ချခဲ့ပြီး ခရိုင်သီးနှံကာကွယ်ရေးတာဝန်ခံ ဉီးမင်းမင်းဇော်မှ နေကြာသီးနှံတွင်ကျရောက်တတ်သည့် ပိုးမွှားရောဂါနှိမ်နင်းနည်း နည်းပညာများ ရှင်းလင်းပို့ချခဲ့ရာ အဆိုပါသင်တန်းသို့ သက်ဆိုင်ရာဌာနဆိုင်ရာအကြီးအကဲများ၊ အုပ်ချုပ်စီမံအဖွဲ့ဝင် များ၊ ဝန်ထမ်းများနှင့် ဒေသခံတောင်သူများ တက်ရောက်ခဲ့ကြကြောင်းသိရသည်။
မြန်မာနေရှင်နယ်ပို့စ်
No comments:
Post a Comment