MNP ၊ နိုဝင်ဘာ ၉
မွန်ပြည်နယ်၊ ဘီးလင်းမြို့နယ် ပြည်သူ့ ဆေးရုံတွင် နိုဝင်ဘာ ၇ ရက် ညနေ ၃ နာရီ ၄၀ မိနစ်က သုံးမြွှာပူးကလေးငယ်များကိုအောင်မြင်စွာ ဖွားမြင်နိုင်ခဲ့ကြောင်း မြို့နယ်ဆေးရုံအုပ်ကြီး ဒေါက်တာမျိုးမင်း ထံမှ သိရသည်။
အဆိုပါ သုံးမြွှာပူး ကလေးမိခင်မှာ ဘီးလင်းမြို့နယ်၊ သိမ်ငူကျေးရွာ အုပ်စု၊ သိမ်ငူကျေးရွာမှ အသက်(၂၁) နှစ်အရွယ် သားဦးမိခင် ဒေါ်သက်ချိုမော် ဖြစ်ပြီး ၎င်းကို ဘီးလင်းမြို့နယ် ပြည်သူ့ဆေးရုံမှ ဆေးရုံအုပ်ကြီး ဒေါက်တာမျိုးမင်းနှင့် ကျန်းမာရေးဝန်ထမ်းများက နိုဝင်ဘာ ၇ ရက် ညနေ ၃ နာရီ ၃၈ မိနစ်က ပထမ ကလေးငယ်ကို လည်းကောင်း၊ ညနေ ၃ နာရီ ၃၉ မိနစ်က ဒုတိယ ကလေးငယ်ကို လည်းကောင်း၊ ညနေ ၃ နာရီ ၄၀ မိနစ်က တတိယ ကလေးငယ်ကို လည်းကောင်း အသီးသီးအောင်မြင်စွာ ခွဲစိတ်မွေးဖွားပေးနိုင်ခဲ့ကြောင်း သိရသည်။
ယင်း ကလေးငယ်သုံးဦးမှာ ယောကျ်ားလေးများ ဖြစ်ကြောင်း၊ ကလေးများ အားလုံးပေါင်ချိန်ပြည့်မီပြီး မိခင်ပါကျန်းမာရေးကောင်းမွန် လျက်ရှိကြောင်း ဘီးလင်းမြို့နယ် ဆေးရုံမှ ဆေးရုံအုပ်ကြီး ဒေါက်တာမျိုးမင်း က ပြောကြားသည်။
ထူးနောင်
https://t.me/MyanmarNationalPost
No comments:
Post a Comment