MNP ၊ နိုဝင်ဘာ ၅
ရခိုင်ပြည်နယ်၊ ရမ်းဗြဲမြို့၌ မြို့နယ်စီမံအုပ်ချုပ်ရေးအဖွဲ့၏ ကြီးကြပ်ဆောင်ရွက်မှုဖြင့်ဌာနဆိုင်ရာများမှ အပတ်စဉ် စနေ့နေ့တိုင်း ပြည်သူ့အကျိုးပြုလုပ်ငန်းဖြစ်သည့် မြို့ရွာများသန့်ရှင်းသာယာရေးအတွက် စုပေါင်းသန့်ရှင်းရေးကိုဆောင်ရွက်ပေးလျက်ရှိရာ ယနေ့ နံနက် ၇ နာရီက ရမ်းဗြဲမြို့နယ် ပြည်သူ့ဆေးရုံကြီးသန့်ရှင်းသာယာရေးကို စုပေါင်းဆောင်ရွက်ပေးကြသည်။
အဆိုပါ ဆောင်ရွက်ရာသို့ အထွေထွေအုပ်ချုပ်ရေးဦးစီးဌာနမှ ဝန်ထမ်းများ၊ မြန်မာနိုင်ငံရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ မြို့နယ်စည်ပင်သာယာရေးအဖွဲ့ဝန်ထမ်းများ၊ ဌာနဆိုင်ရာဝန်ထမ်းများနှင့်ရပ်ကွက်အုပ်ချုပ်ရေးမှူးများ ပူးပေါင်း၍ စုပေါင်းသန့်ရှင်းရေးကိုဆောင်ရွက်ပေးကြသည်။
ထိုသို့ဆောင်ရွက်ရာတွင် ပူးပေါင်းအဖွဲ့တို့သည် ပြည်သူ့ဆေးရုံဝင်းအတွင်းရှိ စွန့်ပစ်ပလပ်စတစ်များကောက်ပေးခြင်း, ခြုံ နွယ် မြက် ပေါင်းများကိုခုတ်ထွင်ရှင်းလင်းပေးခြင်း၊ အလင်းရောင်ကောင်းစွာရရှိစေရန်နှင့် လေဝင် လေထွက်အောင်မွန်စေရန်ဆောင်ရွက်ပေးခြင်းများနှင့်အတူ မီးလောင်လွယ်သည့် အမှိုက်များ သစ်ရွက်ခြောက်များကိုကောက်ယူ၍မီးရှို့ခြင်း မြို့နယ်စည်ပင်သာယာရေး အမှိုက်သိမ်းယာဉ်ဖြင့်စနစ်တကျ သိမ်းဆည်းသယ်ဆောင်ပေးခဲ့ကြကြောင်း သိရသည်။
အောင်နိုင်
https://t.me/MyanmarNationalPost
No comments:
Post a Comment