တန်ဆောင်မုန်းလပြည့်နေ့တွင် မကွေးမြို့ မြသလွန်ဘုရားကွင်းတွင် မီးပုံးပျံလွှတ်တင်ခြင်းနှင့် မီးရှုးမီးပန်းများလွှတ်တင်ခြင်း ဆောင်ရွက် - MyanmarNationalPost

MyanmarNationalPost

News Agency

Breaking

တန်ဆောင်မုန်းလပြည့်နေ့တွင် မကွေးမြို့ မြသလွန်ဘုရားကွင်းတွင် မီးပုံးပျံလွှတ်တင်ခြင်းနှင့် မီးရှုးမီးပန်းများလွှတ်တင်ခြင်း ဆောင်ရွက်

 


MNP - နိုဝင်ဘာ   ၈


မကွေးတိုင်းဒေသကြီးအစိုးရအဖွဲ့မှ ကြီးမှူး၍ တန်ဆောင်မုန်းလပြည့်နေ့တွင် မီးပုံးပျံနှင့် မီးရှုးမီးပန်းများ လွှတ်တင်ခြင်းအခမ်းအနားကို ယမန်နေ့ည(၇)နာရီအချိန်က မြသလွန်ဘုရားကွင်းပြင်၌ ကျင်းပပြုလုပ်ခဲ့ရာ တိုင်းဒေသကြီးအစိုးရအဖွဲ့ဝန်ကြီးချုပ် ဦးတင့်လွင်နှင့်ဇနီး၊ မကွေး လေတပ်စခန်းဌာနချုပ်မှူး ဗိုလ်မှူးချုပ် ဝင်းမောင်သိန်းနှင့်ဇနီး၊ တိုင်းဒေသကြီး တရားလွှတ်တော်တရားသူကြီးချုပ် ဦးစိန်ထွန်း၊ တိုင်းဒေသကြီးအစိုးရအဖွဲ့ဝင်ဝန်ကြီးများနှင့်ဇနီးများ၊ တိုင်းဒေသကြီးအဆင့် ဌာနဆိုင်ရာတာဝန်ရှိသူများနှင့် ပြည်သူများဖြင့် စည်ကားသိုက်မြိုက်စွာ ကျင်းပခဲ့ကြောင်း သိရသည်။


ရှေးဦးစွာ တိုင်းဒေသကြီးဝန်ကြီးချုပ်နှင့်ဇနီး၊ မကွေးလေတပ်စခန်းဌာနချုပ်မှူးနှင့်ဇနီး၊ တိုင်းဒေသကြီးအစိုးရအဖွဲ့ဝင်ဝန်ကြီးများနှင့် ဇနီးများသည် မြသလွန်ဘုရားရင်ပြင်တော်ရှိ မဟာဝိဇယရံသီတန်းဆောင်းတော်တွင် ပန်းရေချမ်းကပ်လှူပြီး ဘုရားရင်ပြင်တော်တွင် ဆီမီး ထွန်းညှိပူဇော်ခဲ့ကြောင်း သိရသည်။


ဆက်လက်၍ တိုင်းဒေသကြီးဝန်ကြီးချုပ်နှင့်အဖွဲ့သည် မြသလွန်ဘုရားကွင်းသို့ရောက်ရှိပြီး တိုင်းဒေသကြီးဝန်ကြီးချုပ်က ဌာနဆိုင်ရာများ မီးပုံများလွှတ်တင်နိုင်ရန်အတွက် မီးပုံးပျံများအား ပေးအပ်ခဲ့ပြီးနောက် မီးပုံးပျံများအားလွှတ်တင်ခဲ့ပြီး မီးရှုးမီးပန်းများအား ပစ်ဖောက်ခဲ့ကြကြောင်း သိရသည်။


အဆိုပါ မီးပုံပျံလွှတ်တင်ခြင်းနှင့်မီးရှုးမီးပန်းများ လွှတ်တင်ခြင်းအခမ်းအနားတွင် မီးပုံးပျံအလုံးရေ(၂၀၀)ခန့်အား လွှတ်တင်ခဲ့ပြီး အခမ်းအနားသို့ တက်ရောက်လာကြသည့် ဌာနဆိုင်ရာတာဝန်ရှိသူများနှင့်ပြည်သူများအား စတုဒိသာကျွေးမွေးခြင်းအနေဖြင့် ကြာဇံကြော်နှင့်မဲဇလီဖူးသုပ်များအား ဧည့်ခံကျွေးမွေးခဲ့ကြောင်း သိရသည်။         


သတင်း - ကိုစည်သူ


မြန်မာနေရှင်နယ်ပို့စ်

No comments:

Post a Comment

Donate and Support

Donate and Support

မြန်မာနေရှင်နယ်ပို့စ် သတင်းအေဂျင်စီ သည် အမျိုးသားရေးကို ဦးထိပ်ထားသည့် သတင်းမီဒီယာဖြစ်ပါသည်။ တိုင်းရင်းသား ပြည်သူများ သတင်းမှန်များ သိရှိစေရေးကိုသာ ဦးစားပေး ဆောင်ရွက်လျက်ရှိပါသည်။ မြန်မာနေရှင်နယ်ပို့စ်သို့ အနှောင်အဖွဲ့ကင်းစွာ ကူညီပံ့ပိုးနိုင်ပါသည်။

KBZ Pay - 09793975969 (U Nauing Win Tun)

Wave Pay - 09692366274 (U Naing Win Tun)