MNP - နိုဝင်ဘာ ၅
ပဲခူးတိုင်းဒေသကြီး နတ်တလင်းခရိုင် ဇီးကုန်းမြို့နယ် အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး၏ ဦးဆောင်မှုဖြင့် ပဉ္စမအကြိမ်မြောက် ဌာနပေါင်းစုံ ဝန်ထမ်းမိသားစု စုပေါင်းဘုံကထိန်သင်္ကန်း ဆက်ကပ်လှူဒါန်းပွဲကို ယနေ့နံနက်(၉)နာရီက ညောင်ဇင်ကျေးရွာ ဘုန်းတော်ကြီးကျောင်းတိုက်၌ ဆက်ကပ်လှူဒါန်းခဲ့သည်။
ကထိန်ဆက်ကပ်အလှူတော်ပွဲတွင် ရှေးဦးစွာ ဆရာတော် ဦးသီလစာရထံမှ ပရိတ်သတ်အပေါင်းက ငါးပါးသီလခံယူဆောက်တည်ခဲ့ကြသည်။ ထို့နောက် သံဃာတော်အရှင်သူမြတ်များအား ကထိန်လျာသင်္ကန်းနှင့် လှူဖွယ်ဝတ္ထုပစ္စည်းများကို့ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌမှ ဦးဆောင်၍ သံဃာတော်များထံ ဆက်ကပ်လှူဒါန်း၍ ကထိန်အကျိုးတရားတော်မြတ်ကို နာယူပြီး လှူဒါန်းမှု အစုစုတို့ကို ရေစက်သွန်းချအမျှပေးဝေခဲ့ကြကြောင်း သိရသည်။
သတင်း - တင့်ဆွေ
မြန်မာနေရှင်နယ်ပို့စ်
No comments:
Post a Comment