MNP - နိုဝင်ဘာ ၃
ရှမ်းပြည်နယ်(တောင်ပိုင်း)၊ လင်းခေးခရိုင်၊ မိုင်းပန်မြို့နယ် ပညာရေးဌာနမှကြီးမှူး၍ နှစ်စဉ်နှစ်တိုင်းကျင်းပမြဲဖြစ်သော အခြေခံပညာကျောင်းများ၏(၂၉)ကြိမ်မြောက် စုပေါင်းမဟာဘုံကထိန်ပဒေသာပင်ပွဲတော်ကို ယနေ့နံနက်(၇)နာရီအချိန်က အရှေ့ရပ်ကွက်ညောင်ကိုးပင် ဘုန်းတော်ကြီးကျောင်းမှ စုရပ်ပြု၍ မြို့နယ်အတွင်းလှည့်လည်ခဲ့ကြောင်း သိရသည်။
အဆိုပါကျောင်းပေါင်းစုံ စုပေါင်းမဟာဘုံကထိန်ပွဲတော်တွင် မိုင်းပန်မြို့နယ်အတွင်း အခြေခံပညာကျောင်း(၂၉)ကျောင်းရှိ ကျောင်းသား/သူများနှင့် ဆရာ/မများစုပေါင်း၍ ကျောင်းအလိုက် ပဒေသာပင်များ၊ ရှမ်းရိုးရာအိုးစည်၊ ဗုံ၊ မောင်းများတီးခတ်ကာ မြို့နယ်အတွင်း တစ်ပတ်လှည့်လည်ကာ မိမိတို့ကျောင်းများအသီးသီးသို့ ပြန်လည်ထားရှိကာ ကျောင်းများ၏ ပဒေသာပင်များပြန်လည်စုပေါင်းပြီး တန်ဆောင်မုန်းလဆန်း (၁၄)ရက်နေ့တွင် လှည့်လည်မည့် မြို့နယ်လုံးကျွတ် မဟာဘုံကထိန်ပွဲတော်တွင် ပညာရေးဌာနအဖြစ် ပြန်လည်လှည့်လည်မည်ဖြစ်ကြောင်း သိရှိရသည်။
မြန်မာနေရှင်နယ်ပို့စ်
No comments:
Post a Comment