MNP - နိုဝင်ဘာ ၁၂
ဧရာဝတီတိုင်းဒေသကြီး၊ မြောင်းမြခရိုင်၊ အိမ်မဲမြိုနယ် စိုက်ပျိုးရေးဦးစီးဌာနမှ ဦးဆောင်ကျင်းပသည့် စံပြကွက်ရိတ်သိမ်းပွဲကို ဘုရားကြီးကုန်းကျေးရွာတောင်သူ ဦးပန်းမောင်၏ လယ်မြေကွင်း အမှတ် - ၃၇ (ဂ)၊ ဦးပိုင်အမှတ် - ၄၃/၁ တွင် ယနေ့နံနက် ၉ နာရီတွင် ဆောင်ရွက်သည်။
ဧက (၁၀၀) တစ်ဧက တင်း(၁၀၀)ထွက်ရှိရေးစံပြကွက် စံကွက်ရိတ်သိမ်းရာ တစ်ဧကလျှင် အစို (၁၁၇)တင်း၊ အခြောက်(၁၀၇.၅၀)တင်းထွက်ရှိပြီး စံကွက်ရိတ်သိမ်းပွဲသို့ တိုင်းဒေသကြီး စိုက်ပျိုးရေးဦးစီးမှူး ဦးစိန်မောင်မြင့်၊ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ မြို့နယ်အုပ်ချုပ်ရေးမှူး ဦးသက်ကိုကိုဦးနှင့် စီမံအုပ်ချုပ်ရေးအဖွဲ့ဝင်များ၊ မြို့နယ်စိုက်တိုးမြှင့်အဖွဲ့များ၊ ဌာနဆိုင်ရာ အကြီးအကဲများ၊ တောင်သူများ တက်ရောက်ကြည့်ရှုအားပေးခဲ့သည်။
သတင်း - ချစ်သက်လယ်
မြန်မာနေရှင်နယ်ပို့စ်
No comments:
Post a Comment