MNP - နိုဝင်ဘာ ၃
ရှမ်းပြည်နယ်(မြောက်ပိုင်း) ကျောက်မဲမြို့ နယ်မြေစိုးမိုးရေးအတွက် စစ်ကြောင်းကြီးငါးကြောင်းဖြင့် မြို့နယ်အဆင့်ဌာနဆိုင်ရာများနှင့် ဒေသခံပြည်သူများတွေ့ဆုံပွဲကို ကျောက်မဲမြို့ အမှတ်(၆)ရပ်ကွက်၊ ရန်ကုန်ကျောင်းတိုက်တွင် ယမန်နေ့မွန်းလွှဲ ၂ နာရီက ပြုလုပ်ခဲ့ကြောင်း သိရသည်။
တွေ့ဆုံပွဲတွင် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ မြို့နယ်အဆင့်ဌာနဆိုင်ရာများမှ တရားဥပဒေစိုးမိုးရေး၊ နယ်မြေလုံခြုံရေး၊ နိုင်ငံသားစိစစ်ရေးကတ်နှင့် အိမ်ထောင်စုလူဦးရေစာရင်းများပြုလုပ်နိုင်ရေး၊ ကျန်းမာရေး၊ ပညာရေး၊ ဒေသဖွံ့ဖြိုးရေး စသည့်လုပ်ငန်းကိစ္စရပ်များအား သက်ဆိုင်ရာဌာနအလိုက် ပြည်သူများနှင့်အပြန်အလှန် ရှင်းလင်းဆွေးနွေးပြောကြားခဲ့ကြောင်း သိရသည်။
အလားတူ ကျောက်မဲမြို့ အမှတ် (၉) ရပ်ကွက်၊ အ.ထ.က(၂) ပတ္တမြှားခန်းမတွင်လည်း တွေ့ဆုံပွဲကျင်းပခဲ့ကြောင်း သိရသည်။
သတင်း - မိုင်းထွန်း
မြန်မာနေရှင်နယ်ပို့စ်
No comments:
Post a Comment