MNP - နိုဝင်ဘာ ၁၁
ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ပြည်ခရိုင်၊ ပန်းတောင်းမြို့နယ် လူထုအခြေပြုဗဟိုဌာန(Community Centre)၌ ယမန်နေ့နေ့လယ်ပိုင်းက (၁၀၂)နှစ်မြောက်အမျိုးသားအောင်ပွဲနေ့အကြိုဟောပြောပွဲနှင့် စာအုပ်၊ စာစောင်ပြပွဲကို ပြုလုပ်ဆောင်ရွက်ကြောင်း သိရသည်။
ရှေးဦးစွာ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ဦးစီးအရာရှိ ဒေါ်သင်းသင်းအေးက ကျောင်းသား/ကျောင်းသူများစာပေများကိုဖတ်ရှုခြင်းဖြင့် အသိဉာဏ်များတိုးပွားစေခြင်း၊ အတွေးအခေါ်များမှန်ကန်စေပြီး အမှားအမှန်ခွဲခြားတတ်စေသဖြင့် ကျောင်းစာအပြင် စာပေများကို လေ့လာဖတ်ရှုခြင်းဖြင့် ဗဟုသုတများစွာရရှိစေကြောင်း ဟောပြောခဲ့သည်။
ထို့နောက် စာအုပ်စာစောင်များပြသရာတွင် ပြည်သူ့စာကြည့်တိုက်ရှိ စာအုပ်များအားသိရှိပြီး လေ့လာဖတ်ရှုနိုင်နှင့် အသိပညာဗဟုသုတရရှိစေရန်ရည်ရွယ်၍ စာကြည့်တိုက်ရှိ သုတ၊ ရသစာအုပ်၊ စာစောင် ၁၀၀ အုပ်ကိုပြသရာ ကျောင်းသား/သူများက စိတ်ပါဝင်စားစွာ လေ့လာကြည့်ရှုသည်။
ပန်းတောင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် ပြိုင်ပွဲများ၊ ပြပွဲများ၊ ဟောပြောပွဲများ၊ အသိပညာပေးဆွေးနွေးပွဲများကို စဉ်ဆက်မပြတ်ဆောင်ရွက်လျက်ရှိကြောင်း သိရသည်။
သတင်း - သင်းသင်းအေး
မြန်မာနေရှင်နယ်ပို့စ်
No comments:
Post a Comment