MNP ၊ နိုဝင်ဘာ ၁၀
ရခိုင်ပြည်နယ်၊ အမ်းခရိုင်၊ အမ်းမြို့နယ်အတွင်း ယာဉ်မတော် တဆမှုများ လျော့ နည်းစေရေးအတွက် ယာဉ်စည်းကမ်း လမ်းစည်းကမ်းနှင့်အညီ လိုက်နာမောင်းနှင် သွားလာနိုင်စေရေးအတွက် အသိပညာပေး ဟောပြောခြင်းကို ယမာန်နေ့ ညနေ (၃)နာရီအချိန်က အထက(၁) ပညာရတနာခန်းမ၌ ပြုလုပ်ခဲ့သည်။
အဆိုပါဟောပြောပွဲတွင် မြို့မရဲစခန်းမှ ဒုရဲမှူး မျိုးကြည်၊ အမ်းယာဉ်ထိန်းရဲတပ်ဖွဲ့စိတ်မှ ဒုရဲအုပ် သန့်ဇင်ဦး တို့က ဆရာ/ဆရာမများ၊ ကျောင်းသူကျောင်း သားများအား မှုခင်းကျဆင်းရေးအတွက် မော်တော်ကားနှင့် မော်တော်ဆိုင်ကယ်များကို စီးနှင်းသူများ လိုက်နာရန်စည်းကမ်းများ၊ ခြေလျင်သွားလာသူများ လမ်းဖြတ် ကူးသူများအနေဖြင့် လိုက်နာရမည့် ယာဉ်စည်းကမ်း လမ်းစည်း ကမ်းဆိုင်ရာ ယာဉ်အန္တရာယ်ကင်းဝေးစေရေး အသိပညာပေးဟောပြောခဲ့ကြောင်းသိရှိရသည်။
ဟောပြောပွဲသို့ တက်ရောက်လာသည့် ဆရာ၊ ဆရာမများနှင့် ကျောင်းသား/ကျောင်းသူများအား ယာဉ်အန္တရာယ်ကင်းဝေးရေး အသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်းသိရသည်။
စိုးမင်းထွန်း
https://t.me/MyanmarNationalPost
No comments:
Post a Comment