MNP ၊ နိုဝင်ဘာ ၇
၁၃၈၄ ခုနှစ်၊ တန်းဆောင်မုန်းလပြည့်နေ့တွင် ရခိုင်ပြည်နယ်၊ ပုဏ္ဏားကျွန်းမြို့ တစ်ဖက်ကမ်းရှိ ဦးရာဇ်တော်စေတီတော်ကြီး၌ ကထိန်ဆက်ကပ်လှူဒါန်းခြင်းနှင့်ဘုရားဖူး လာရောက်ကြသူများဖြင့်စည်ကားလျက်ရှိသည်။
ကထိန်ပွဲတော်ကို မြန်မာနိုင်ငံတစ်ဝန်းတွင်ပုဂံခေတ်မှစ၍ သီတင်းကျွတ်လပြည့်ကျော် ၁ ရက်နေ့မှ တန်းဆောင်မုန်းလပြည့်နေ့အထိ၊ ရက်ပေါင်း ၃၀ ကာလအတွင်း၌သာ ကျင်းပရသော ဘာသာရေးပွဲတော်တစ်ခုဖြစ်သည်။ ထိုသို့ဆက်ကပ်လှူဒါန်းရာတွင် ပုရိမဝါမှထမြောက်တာ်မူကြကုန်သော သံဃာတော်အရှင်သူမြတ်တို့ကို ရည်စူး၍ ဆက်ကပ် လှူဒါန်းပေးခြင်းဖြစ်သည်။
ကထိန်ပွဲတော်ကိုအကြောင်းပြု၍ ညနေပိုင်းတွင် ပုဏ္ဏားကျွန်းမြို့ပေါ်ရပ်ကွက်များ၌ တန်းဆောင်တိုင်မီးထွန်းပွဲတော်များ၊ စတုဒီသာကျွေးမွေးလှူဒါန်းခြင်းနှင့်အခြားပျော်ပွဲရွှင်ပွဲ များတို့ဖြင့် စည်ကားလျက်ရှိကြောင်းသိရသည်။
နီထွန်းအောင်
https://t.me/MyanmarNationalPost
No comments:
Post a Comment