MNP ၊ နိုဝင်ဘာ ၁၅
မွန်ပြည်နယ်၊ကျိုက်ထိုခရိုင်၊ကျိုက်ထို မြို့နယ်အတွင်းရှိ အခြေခံပညာကျောင်းများမှ ကျောင်းအုပ်ကြီးများ သက်ဆိုင်ရာလုပ်ငန်းများ၌ စွမ်းဆောင်ရည်မြင့်မားရေး အလုပ်ရုံဆွေးနွေးပွဲ ဖွင့်ပွဲအခမ်းအနားကို နိုဝင်ဘာ ၁၅ ရက်နံနက် ၉ နာရီတွင် အမှတ် (၁)အခြေခံပညာ အထက်တန်းကျောင်း၊ ရာပြည့်ခန်းမ၌ ကျင်းပပြုလုပ်ခဲ့သည်။
အခမ်းအနားတွင် ကျိုက်ထိုခရိုင် စီမံအုပ်ချုပ်ရေးအဖွဲ့ဥက္ကဋ္ဌ(ကိုယ်စား) အဖွဲ့ဝင် ဦးဇေယျာဦး က အဖွင့်အမှာစကားပြောကြားပြီး သထုံခရိုင် ပညာရေးမှူး ဦးခိုင်ထွန်းက အလုပ်ရုံဆွေးနွေးပွဲပြုလုပ်ရသည့်ရည်ရွယ်ချက်နှင့် အစီအစဉ်များကို လည်းကောင်း၊ ပြည်နယ်ပညာရေးမှူးရုံး (စီမံ) ဌာနမှ လက်ထောက်ညွှန်ကြားရေးမှူး ဒေါ်သန်းသန်းမော် ကဆွေးနွေးပွဲပြုလုပ်ရခြင်းနှင့်ပတ်သက်၍ရှင်းလင်းပြောကြားခဲ့သည်။
အဆိုပါအလုပ်ရုံဆွေးနွေးပွဲကို နိုဝင်ဘာ ၁၅ ရက်မှ ၁၆ ရက်နေ့ထိ နံနက် ၉ နာရီမှ ညနေ ၄ နာရီထိ (၂) ရက်ကြာ ပြုလုပ်သွားမည်ဖြစ်ပြီး ကျိုက်ထိုမြို့နယ်အတွင်းရှိ အခြေခံပညာကျောင်း ၁၅၇ကျောင်းတို့မှ ကျောင်းအုပ်ကြီး ၁၅၇ ဦးတို့က စီမံဘဏ္ဍာပညာဘာသာရပ်နှင့် ဝန်ထမ်းကျင့်ဝတ်တို့ကို အပြန်အလှန်ဆွေးနွေးသွားကြမည်ဖြစ်ကြောင်း သိရသည်။
ဝင်းမောင်(ကျိုက်ထို)
https://t.me/MyanmarNationalPost
No comments:
Post a Comment