MNP - နိုဝင်ဘာ ၂၉
ရှမ်းပြည်နယ်(တောင်ပိုင်း)၊ လင်းခေးခရိုင်၊ မောက်မယ်မြို့နယ်အတွင်းရှိ ဒေသခံတောင်သူများ၏ မိုးစပါးများ စတင်ရိတ်သိမ်း လာကြပြီဖြစ်ပြီး ခေတ်မီစက်ယန္တယားကြီးများ ငှားရမ်းသုံးစွဲလာကြကြောင်း သိရသည်။
ထိုကဲ့သို့ ခေတ်မီရိတ်သိမ်းချွေလှေ့စက်ကြီးများသုံးစွဲခြင်းဖြင့် စရိတ်အကုန်အကျသက်သာပြီး ဈေးကွက်ဝင်သီးနှံများကို အချိန်မီ စိုက်ပျိုးနိုင်မည်ဖြစ်ကြောင်းလည်း သိရသည်။ “ အစကတော့ စက်သုံးဆီဈေးကြီးလို့ တစ်ဧကကို တစ်သိန်းနှစ်သောင်းနှုန်းနဲ့ အငှားလိုက်ဖို့ပါဘဲ ဒါပေမယ့် နှစ်ဦးနှစ်ဖက် အဆင်ပြေအောင်ဆိုပြီးတော့ တစ်ဧကကိုတစ်သိန်းနဲ့ဘဲလိုက်ဖြစ်ပါတယ် တစ်ရက်ကို(၁၅)ဧက ရိတ်သိမ်းနိုင်ပါတယ်ဟု” ရိတ်သိမ်းချွေလှေ့စက်ပိုင်ရှင်အငှားလိုက်သူ ဦးကေလာ ကပြောသည်။
လယ်ပိုင်ရှင် တောင်သူ ဦးလုံးစိုင်းစိန္တာက “လူငှားနဲ့ရိတ်မယ်ဆိုရင်လည်း ကောက်ရိတ်ခ၊ ကောက်လှိုင်းစည်းခ၊ ချွေခ(စပါးပုတ်ခ)တွေနဲ့ဆိုတော့ တစ်ဧကကို တစ်သိန်းကျော်ဝန်းကျင်လောက်တော့ကုန်မှာပါ အများစုကအချိန်မီပြီးတဲ့စက် တွေနဲ့ချွေကြတာများပါတယ် ပြီးတော့သီးထပ်သီးနှံကိုလည်း အချိန်မီစိုက်ပျိုးနိုင်မည် ” ဟု ပြောကြားသည်။
တောင်သူများအနေဖြင့်လည်း အချိန်မီပြီးစီးပြီး ဈေးကွက်ဝင်သီးထပ်သီးနှံများကို အချိန်မီစိုက်ပျိုးနိုင်မည်ဖြစ်ကာ အမြတ်အစွန်း ပိုမိုရရှိနိုင်ကြမည်ဖြစ်ကြောင်း တောင်သူများထံမှသိရသည်။
သတင်း - စိုင်းမျိုးသန့်
မြန်မာနေရှင်နယ်ပို့စ်
No comments:
Post a Comment